अहिले आएर आपिएलमा नेपाली खेलाडीहरूको नाम आउन छोडेको प्रसङ्ग उल्लेख गर्दै विद्यार्थीले सोधेको प्रश्नमा उनले भने, ‘हामी राष्ट्रका लागि खेल्ने हो, अन्तर्राष्ट्रिय खेलमा जानुअघि नेपाल क्रिकेट संघको अनुमति लिनुपर्ने र अहिले अन्य अन्तर्राष्ट्रिय खेलहरू भएकोले आइपिएलमा नेपाली खेलाडीको नाम नसुनिएको हो ।’ अबको १० वर्षमा नेपाली क्रिकेट कुन स्थानमा हुनेछ र कुन–कुन खेलाडीले उच्च स्थान हासिल गर्नेछन् रु भन्ने प्रश्नमा उनको जवाफ थियो– ‘यदि नतिजाले साथ दिएको खण्डमा नेपाल ‘टेस्ट नेसन’ हुने र यो देशका लागि निकै ठूलो कुरा हो’ ‘दीपेन्द्रसिंह ऐरी, आसिफ शेखलगायत धेरै सक्षम खेलाडीहरू हुनुहुन्छ, एकताबद्ध भएर धैर्यतापूर्वक खेल्दै जाँदा अवश्य सफल भइन्छ ।’

यहाँको जीवनमा एउटा समस्या आयो, त्यसले अवश्य पनि यहाँलाई अप्ठ्यारो पनि प¥यो होला, त्यसको बाबजुद पनि यहाँ चम्किरहनु भएको छ, कसरी रु भनेर सोधिएको प्रश्नको उत्तरमा उनले भने, ‘जीवनमा आउने आरोह–अवरोह र तिनले सिर्जना गर्ने नकरात्मकतालाई बिर्सेर सकरात्मकता अँगाल्दै जीवनलाई सहज बनाउन सकिन्छ’, मैले आफ्नो जीवनमा सकारात्मकतालाई अँगाल्दै अघि बढिरहेको छु, त्यसैले म यो स्थानमा पुगेको हुँ ।’

तपाईं पनि सुरुआती चरणमा टोलटोलमा सामान्य प्रतियोगिताहरू खेल्दै अन्तर्राष्ट्रियस्तरका खेलहरू खेलिरहनु भएको छ, तपाईंको त्यो बेलाको जस्तै लगनशीलता र क्रिकेटप्रतिको क्रेज भएका दर्जनौँ विद्यार्थी हामीकहाँ छन्, तिनीहरुलाई तपाईंको सुझाव के छ रु भन्ने शिक्षक एसएन खनालको प्रश्नमा उनको उत्तर थियो– ‘आफैप्रतिको विश्वास, प्रतियोगितामा हासिल गर्ने जीत र हारलाई सन्तुलनमा राख्दै उतारचढाकवका बीच स्पष्ट सोच, आत्मविश्वास र दृढ इच्छाशक्तिले निरन्तरता दिइरहनु पर्छ ।’ उनले, अष्ट्रेसलया, वेस्ट इन्डिजलगायतका थुप्रै देशहरूमा नेपाली झन्डा अङ्कित जर्सी लगाएर खेल्न पाउँदा राष्ट्रको प्रतिनिधित्व गर्न पाएकोमा गर्व महसुस हुने बताए ।

अङ्कुरम् एकेडेमीका कक्षा ४ देखि ८ सम्मका बालबालिकाले विद्यालयको प्राङ्गणमा जम्मा भएर राखेको जिज्ञासाहरूको उत्तर दिएका थिए । त्यसैगरी उनले विद्यालयको खेल मैदानमा बलिङ्ग र ब्याटिङ्गसम्बन्धी केही ‘टिप्स’हरू समेत दिएका थिए ।