भरतपुर फागुन ११,
अनेरास्ववियु अमर जनशक्ति बहुमुखी क्याम्पस कमिटीको दोस्रो अधिवेशन सम्पन्न भएको छ । अधिवेशनले भवेश्वर सुवेदीको नेतृत्वमा ५ पदाधिकारी सहित २१ सदस्यीय कमिटी सर्वसम्मत रूपमा चयन गरेको छ ।
अनेरास्ववियु जिल्ला कमिटी चितवन सहसचिव प्रदिप पराजुली प्रमुख अतिथि रहेको कार्यक्रममा विशिष्ट अतिथिहरू भरतपुर २२ जननिर्वाचित जनप्रतिनिधि शुशिला बराल, नेकपा एमाले वडा कमिटी भरतपुर २२ अध्यक्ष भवेश्वर पौडेल, क्याम्पस प्रमुख राम प्रसाद तिवारी लगायतको उपस्थिति रहेको थियो ।
अधिवेशनबाट उपाध्यक्षमा मनोज भुजेल, सचिव सुमन अधिकारी, सहसचिव अनुषा गुरूङ, कोषाध्यक्ष अनिता देउजा चयन भएका छन ।
क्याम्पस कमिटी संयोजक भवेश्वर सुवेदीको अध्यक्षतामा भएको कार्यक्रमको संचालन अनेरास्ववियु जिल्ला कमिटी सदस्य समीर अधिकारीले गरेका थिए ।
आगामी चैत्र ५ गते हुने स्ववियु निर्वाचन कार्यतालिका सार्वजनिक भएसंगै अनेरास्ववियु चितवनले स्वागत गर्दै कार्यतालिका अनुसार अगाडि बढ्न सबैमा हार्दिक अनुरोध गरेको छ ।
