माधव सापकोटा
फागुन ९ , चितवन
भरतपुर – ४, हरिकीर्तनचोक , लंकुस्थित हरिकीर्तन धार्मिक संस्था / लक्ष्मीवेङ्कटेश मन्दिरमा फागुन १ देखि सुरु भएको श्रीमद्भागवत सप्ताह ज्ञान महायज्ञ २०८१ को आज समापन भएको छ। शुकदेव भागवत आश्रम गैंडाकोटका उत्तराधिकारी एवम् श्रीवैष्णव युवा परिषद् नेपालका केन्द्रीय अध्यक्ष स्वामी लक्ष्मणाचार्यको प्रमुख आतिथ्य तथा लक्ष्मीनारायण मन्दिर देवघाटका पीठाधीश श्रीधराचार्य , रङ्गवेङ्कटेश मन्दिर फेदी बाग्लुङ्गका महन्त ऋषिप्रपन्नाचार्य , पूर्व उपप्रधानमन्त्री राप्रपा नेपालका अध्यक्ष कमल थापा ,नेकपा एमालेका नेता देवी ज्ञवाली , भरतपुर -४ का वडा सदस्य राधादेवी कंडेल लगायतको उपस्थिति रहेको समापन समारोहमा प्रधान यज्ञाचार्य टीकाराम गुरु र प्रमुख वाचक स्वामी डा. चक्रपाणि आचार्यलाई अभिनन्दन गरिएको थियो। मुक्तिनाथ पीठाधीश्वर कमलनयनाचार्य “मुक्तिनाथ बाबा”को संरक्षकत्व, शालग्रामाचार्य गुरु आश्रम, नाग्लिवाङका आचार्य नारायणाचार्य स्वामी (टीकाराम गुरु)को प्रधान यज्ञाचार्यत्व , मन्दिरका अध्यक्ष तथा पीठाधीश स्वामी अनन्तप्रपन्नाचार्य “अखण्ड हरिकीर्तन बाबाको सत्संकल्प एवम् डा . चक्रपाणि आचार्यको प्रमुख वाचकत्वमा सम्पन्न भएको महायज्ञमा फागुन ५ गते कमलनयनाचार्य / मुक्तिनाथ बाबाबाट एकवर्षीय अखण्ड श्री हरिनाम संकीर्तन स्मारकको उद्घाटन,
संस्थापक अध्यक्ष अखण्ड हरिकीर्तन बाबालाई आचार्य / महन्तमा पट्टाभिषेक,प्रधान यज्ञाचार्य टीकाराम गुरुबाट अतिथि गृहको उद्घाटन एवम् समापनमा फागुन ९ गते सवा करोड दीप प्रज्वलन गरिएको थियो ।
महायज्ञमा नेपाल सन्त समाजका केन्द्रीय अध्यक्ष स्वामी ज्ञानानन्द सरस्वती, कमलनयनाचार्य “मुक्तिनाथ बाबा, शान्तिधाम काभ्रेका पीठाधीश स्वामी चतुर्भुजाचार्य लगायतका प्रमुख सन्त- महात्माहरूको उपस्थिति रहेको थियो ।महायज्ञमा २ करोड ३० लाख रकम संकलन भएको आर्थिक संयोजक भानुभक्त कंडेलले जानकारी दिनुभएको छ।
