माधव सापकोटा
माघ १६, चितवन
कमलनयनाचार्य “मुक्तिनाथ बाबा”को संरक्षकत्व, शालग्रामाचार्य गुरु आश्रम, नाग्लिवाङका नारायणाचार्य स्वामी (टीकाराम गुरु)को प्रधान यज्ञाचार्यत्व , अखण्ड हरिकीर्तन बाबा उमानाथ कँडेलको सत्संकल्प एवम् डा . चक्रपाणि आचार्यको प्रमुख वाचकत्वमा लक्ष्मीवैकुण्ठनाथ मन्दिर , लंकुका पीठाधीश स्वामी जगन्नाथाचार्य, स्वामी श्रीनिवासाचार्यलगायत नेपाल – भारतका प्रमुख सन्त -महात्मा, विद्वान् , विचारकहरूसमेतको उपस्थितिमा एकवर्षीय हरिनाम सङ्कीर्तन स्मारक, अतिथि गृह उद्घाटन एवम् अक्षयकोष अभिवृद्धिका लागि हरिकीर्तन धार्मिक संस्था / लक्ष्मीवेङ्कटेश मन्दिर , भरतपुर-४, हरिकीर्तन चोक, चितवनमा फागुन १ देखि ९ गतेसम्म आयोजित श्रीमद्भागवत सप्ताह ज्ञान महायज्ञ २०८१ सम्पन्न गर्न विभिन्न उपसमितिहरू गठन भएका छन् ।
मन्दिर प्राङ्गणमा आज बसेको एक भेलाले लेखन -सम्पादन-प्रकाशन संयोजकमा हरिदास सापकोटा , अर्थ संकलन संयोजकमा भानुभक्त कंडेल , मीडिया प्रचार संयोजकमा माधव सापकोटा , युवा परिचालन एवम् यज्ञमण्डप निर्माण संयोजकमा चतुर्भुज कंडेल , स्वास्थ्योपचार संयोजकमा शोभाप्रसाद आचार्य , टोल विकास समन्वय संयोजकमा गम्भीर सोडारी, भण्डार व्यवस्थापन संयोजकमा दुर्गाप्रसाद सापकोटा , मंच संचालन संयोजकमा फूलनाथ निउरे, जनसम्पर्क तथा दाता पहिचान संयोजकमा यमलाल कंडेल ,प्रचारप्रसार संयोगजकमा यमलाल भण्डारी,मोटरसाइकल र्याली संयोजकमा हरिकृष्ण सापकोटा , ब्राह्मण व्यवस्थापन संयोजकमा पुरुषोत्तम कंडेल , फूलमाला व्यवस्थापन एवम् अतिथि सत्कार संयोजकमा तुलसी निउरे, भान्सा व्यवस्थापन संयोजकमा माधव कंडेल ,आपूर्ति संयोजकमा गोविन्द कंडेल ,मातृशक्ति परिचालन संयोजकमा अम्बिका कंडेल , प्रशंसा पत्र लेखन संयोजकमा काशीराम आचार्य , सरसफाइ संयोजकमा ओमप्रसाद गौतमलाई चयन गरेको छ।
महायज्ञको मिति नजिकिँदै गर्दा प्रचारप्रसारको कार्य तीव्रताका साथ अगि बढिरहेको, यज्ञ मण्डप निर्माण , २०६१/६२ सालको एकवर्षे हरिनाम संकीर्तन कार्यक्रममा सहभागी भक्तजनहरूसँग भेटघाट, जनसम्पर्कका लागि गाउँ- गाउँमा जाने कार्य चलिरेहेको र महायज्ञप्रति भक्तजनहरू उत्साहित भइरहेको मूल समितिका संयोजक टीकाराम कँडेलले बताउनुभयो।
महायज्ञअन्तर्गत माघ ३० गते दिउसो २ बजे विशाल मोटर साइकल तथा गाडी र्याली ,
फागुन १ गते बिहान १० बजेदेखि धार्मिक, सामाजिक, शैक्षिकलगायत विभिन्न संघ – संस्थाको परिचय झल्कने भेषभूषा , ब्यानर, ॐकारझन्डासहितको विशाल शोभा-कलश यात्रा , यज्ञारम्भ ,दिउसो १ बजे समुद्घाटन,
फागुन २ गते सामूहिक व्रतबन्ध र तुलादान ,
फागुन ५ गते कमलनयनाचार्य / मुक्तिनाथ बाबाबाट एकवर्षीय अखण्ड श्री हरिनाम संकीर्तनको समुद्घाटन,
संस्थापक अध्यक्ष अखण्ड हरिकीर्तन बाबा उमानाथ कँडेललाई आचार्य / महन्त पदमा पट्टाभिषेक,
प्रधान यज्ञाचार्य टीकाराम गुरुबाट अतिथि गृहको समुद्घाटन एवम् फागुन ९ गते करोड दीप प्रज्वलनको कार्यक्रम रहेको मूल समितिले जनाएको छ।
