काठमाडाैं, असोज २
चक्रवात ‘यागी’का कारण आएको बाढीले म्यानमारमा जनजीवन पूर्णरूपमा प्रभावित भएको छ । म्यानमारको सरकारले बाढीमा २०० भन्दा बढी मानिसको मृत्यु भएको जनाएको छ ।
८० भन्दा बढी मानिस अझै बेपत्ता रहेको बताइएको छ । ‘यागी’ यस वर्ष एसियामा आएको सबैभन्दा शक्तिशाली आँधी हो ।
साथै म्यानमारमा धेरै जमिनमा लगाएको बाली पनि नष्ट भएको छ । यहाँका पाँच लाखभन्दा बढी मानिसका लागि खाद्यान्न, पिउने पानी, बास र लत्ताकपडाको तत्काल प्रबन्ध गर्नुपर्ने पनि राष्ट्रसंघले चेतावनी दिएको छ।
आधिकारिक तथ्याङ्कअनुसार भियतनाम, लाओस, थाइल्याण्ड र म्यानमारमा सेप्टेम्बरको शुरूमा आएको आँधीका कारण ५०० भन्दा बढीको मृत्यु भएको छ ।
