नेपालको सबै भूभागमा पाइने चिचिण्डोको स्वास्थ्यामा आश्चर्यजनक फाइदा रहेको छ। चिचिण्डोनेपाली भान्छाको राम्रो तरकारी हो। प्रायः वर्षायाममा पाइने चिचिण्डो खानामा स्वादिस्ट मात्र नभएर यसले स्वास्थ्यका लागि अनेकौं फाइदा गर्दछ। चिचिण्डोको सेवन थुप्रै औषधीय गुणहरूको लागि गरिन्छ। चिचिन्डोका लहरा धेरै लामा हुन्छन् जसमा धेरै हाँगाहरु हुन्छन्। जसका कारण यो चारैतर्फ फैलिने गर्दछ ।
चिचिन्डोको फाइदाहरु
कब्जियतलाई आरामः चिचिण्डोको तरकारी कब्जियत भएका बिरामीहरुका लागि लाभदायक हुन्छ। चिचिण्डोको पात तथा फलबाट बनेको तरकारीले पाचन प्रणालीको सुधार गर्दछ । यसमा प्रशस्त मात्रामा पाइने फाइबरका कारण कब्जियतको समस्यालाइ निर्मुल गर्दछ।
क्षयरोगको लागि उपयोगीः चिचिण्डोमा भएका विशेष खनिज तत्वका कारण यसले क्षयरोगको जोखिम गर्दछ। यसको नियमित रुपमा सेवन गर्दा क्षयरोगका विभिन्न लक्षणहरुलाइ कम गर्दछ। यसमा पाइने एन्टीब्यक्टेरियल तत्वले छातीका विभिन्न संक्रमणहरुलाई कम गर्दछ।
छालाको संक्रमणबाट बचाउनेः चिचिण्डो एक हरियो तरकारी हो, जसमा प्रशस्त रुपमा भिटामिन ए, बि ६, सी र इ पाईन्छ। यसको नियमित सेवनले छालाको समस्यालाई मात्र नभएर हाडजोर्नीका समस्यालाई पनि कम गर्न मद्दत गर्दछ ।
प्रतिरक्षा प्रणालीको विकासः चिचिण्डोको तरकारीलाई दैनिक रुपमा सेवन गर्दा थुप्रै किसिमका खनिज तत्व पाईन्छ, जसले प्रतिरक्षा प्रणालीलाई सुधार गर्नुका साथै बलियो बनाउँछ।
किटो डाइट तथा मुटुरोगको लागि फाइदाजनकः चिचिण्डोमा कोलेस्ट्रोलको मात्रा कम हुने गर्दछ, जसले शरीरको रगतबाट अनावश्यक सोडियमको मात्रालाई कम गरी मुटुको स्वास्थ्यलाई ठिक राख्दछ। चिचिण्डोलाई अहिले मानिसहरुले किटो डाइटमा पनि समावेश गर्ने गरेका छन् । चिचिण्डोमा पाइने कम कार्बोहाइड्रेट र क्यालोरीका कारण महिलाहरुको किटो डाइटमा चिचिन्डो एक सर्वश्रेष्ठ तरकारी बनेको छ। (एजेन्सीको सहयोगमा)
