६ भदौ, भरतपुर
चितवनको भरतपुर १२ मा रहेको पोख्रेली टोल आमा समुहले पहिलो साधारण सभा सम्पन्न गरेको छ ।बिहिबार दिउँसो दुर्गा मन्दिर परिसरमा एक कार्यक्रमको आयोजना गर्दै आमा समुहले प्रथम साधारण सभा गरेको हो ।
आमा समुहकी अध्यक्ष शोभा पन्डितको सभाध्यक्षतामा भएको साधारण सभामा भरतपुर १२ का वडाअध्यक्ष लेखराज पन्तको प्रमुख आतिथ्यता रहेको थियो ।
सभालाइ सम्बोधन गर्दै प्रमुख अतिथि पन्तले आमा समुहले समाज रुपान्तरणका निम्ति सामाजिक कार्य गर्दै महत्वपुर्ण भुमिका खेलेको बताउनुभयो ।उहाँले महिलाहरू संगठित हुदाँ समाजमा सकरात्मक सन्देश पुग्ने हुदाँ समुहलाइ थप क्रियाशिल बनाउनुपर्नेमा जोड दिनुभयो ।आमा समुहलाइ विगतमा वडाबाट २६ हजार बराबरको २ सेट वाद्ववादन सामाग्री सहयोग गरेको स्मरण गर्दै आगामी दिनहरूमा पनि सहयोग गर्न आँफु तयार रहेको बताउनुभयो ।
आमा समुहकी अध्यक्ष शोभा पन्डितले टोलमा रहेका महिला दिदिबहिनीहरूको एकता र सदभावले नै पहिलो वर्ष पुरा गरेको बताउनुभयो ।उहाँले समाजमा हुने विविध गतिविधिमा आँफुहरूको सहभागिता रहेको जानकारी दिनुभयो ।धार्मिक अनुस्ठान एवम् सांस्कृतिक कार्यक्रममा सक्रिय सहभागिता रहेको बताउँदै अध्यक्ष पन्डितले आँउने दिनहरूमा थप क्रियाशील हुने बताउनुभयो ।
कार्यक्रममा समुहकी सचिव शारदा अर्यालले समुहको वार्षिक आयब्ययको प्रतिवेदन प्रस्तुत गर्नुभएको थियो । अर्यालले नै सहजिकरण गर्नुभएको कार्यक्रममा भरतपुर १२ का वडा सदस्य जमुना ढुन्गाना, पोख्रेली टोल बिकास संस्थाकि अध्यक्ष शोभा घिमिरे , समुहका कार्यसमिति सदस्यहरू ,संघसंस्थाका प्रतिनिधि ,टोलबासी महिला दिदिबहिनिलगायतको उपस्थिति रहेको थियो ।
गत भदौमा गठन भएको ११ सदस्यको समुहको कार्यसमितिको कार्यकाल ३ वर्षको छ। भरतपुर १२ मा २२ वटा आमा समुह गठन भएका छन् ।एक टोल एक आमा समुहको अभियान अन्तर्गत भरतपुरका विभिन्न वडामा समुह सुचिकृत भएका छन् ।
