काठमाडौँ, ३ साउन
चीनका झाङ जिलोङ नामका युवा सामान्य जीवन बिताइरहेका थिए । साधारण फ्ल्याटमा बस्थे । उनले भर्खरै स्नातक गरेका थिए। स्नातक गरेपछि घरपरिवारको ऋण चुक्ता गर्न बिस्तारै सहयोग गर्न सकियोस् भनेर जागिर गर्ने सोचमा थिए ।
तर अचानक उनलाई करोडौंको झटका लाग्यो। भोल्टको होइन, रुपैयाँको। उनले थाहा पाए कि उसको बुबा त अर्बपति हो, उनको पारिवारिक व्यापार छ र उसले छोराको लागि अर्बौं रुपैयाँ राखेका छन्।
साउथ चाइना मर्निङ पोस्टको रिपोर्टअनुसार झाङ जिलोङका पिताको नाम झाङ युडोङ हो। उनी हुनान स्पाइसी ग्लुटेन लाटियाओ ब्रान्ड माला प्रिन्स नामक कम्पनीका संस्थापक र अध्यक्ष हुन्। कम्पनीको वार्षिक कारोबार ६० करोड युआन छ।
झाङ जिलोङले साउथ चाइना मर्निङ पोस्टलाई उनका पिताले २० वर्षसम्म झुट बोलेको बताए । त्यसअघि पिताले उनलाई करोडौं ऋण रहेको बताएका थिए ।
रिपोर्टका अनुसार जिलोङले स्नातक गरेपछि उनका बुबाले आफूहरू धेरै धनी भएको बताए । यति धेरै कि तिनीहरू भिलामा बस्छन् । यसको मूल्य १० मिलियन युआन छ।
जिलोङले आफूले कडा परिश्रम गरेर सफलता हासिल गर्न झुट बोलेको बताए । जानकारीका अनुसार जिलोङले अब आफ्नो बुबाको कम्पनीको ई–कमर्स विभागमा काम गर्न थालेका छन् ।
