नवलपरासी, जेठ ३२-
पूर्वी नवलपरासीको सदरमुकाम कावासोतीमा स्थानीयहरुले नगरपालिका र मेयरको घर तोडफोड गरेका छन् । प्रदर्शनकारीले मेयरको घरमासमेत आगजनीको प्रयास गरेका छन् ।
कावासोतीको फलफूल चोकमा ढल निकास निर्माणका क्रममा ३ महिला मजदुरको मृत्यु भएपछि आक्रोशित स्थानीयले कावासोती नगरपालिकाका मेयर मेयर विष्णुप्रसाद भुसालविरुद्ध नाराबाजीसहित घरमै गएर तोडफोड गरेका हुन् ।
कावासोती बजारमा ठुलो संख्यामा प्रहरी परिचालन गरिएको छ । प्रहरीले स्थिति नियन्त्रणमा लिन भन्दै दर्जनौँ राउण्ड हवाई फायर र अश्रु ग्याँस प्रहार गरेको छ ।
नगरपालिकाको लापरबाहीका कारण कारण ती महिलाहरुको मृत्यु भएको भन्दै छानविन समिति बनाउनुपर्ने र दोषीलाई कारबाही गर्नुपर्ने स्थानियाहरुको माग छ ।
