चितवन, २० जेठ
नारायणी नदीमा अवैध तरिकाले नदी उत्खनन गरिरहेका ७ वटा टिप्परलाई प्रहरीले नियन्त्रणमा लिएको छ।
नारायणी नदीबाट लु २ ख ४५१४, ना ८ ख ३३९२, ना ८ ख ३८५०, प्र.२–०३–००१ क ००७३, प्र. २–००३ क ००८०, बा.प्र. ०३–००१ क १९१ र भे १ क २६६५ नम्बरको टिप्परलाई प्रहरीले नियन्त्रणमा लिएको हो ।
जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलका अनुसार गैँडाकोट नगरपालिका-९ नारायणी नदीबाट भ्यान विल विना नदीजन्य पदार्थ लोड गरी ओसारपसार गरेको भन्ने सूचनाको आधारमा इलाका प्रहरी कार्यालय गैँडाकोट को टोलीले टिप्पर नियन्त्रणमा लिएको हो।
नियन्त्रणमा लिएका टिप्परहरुलाई गैँडाकोट नगरपालिकाको जिम्मा लगाइएको प्रहरीले जनाएको छ ।
