चितवन, जेठ ६-
चितवनको राप्ती नगरपालिका वडा नम्बर २ को वडा अध्यक्षमा एमालेबाट श्यामसुन्दर उप्रेती विजयी भएका छन् । वडा अध्यक्षमा उप्रेतीले १२७१ मत ल्याएर विजयी भएका हुन् ।
उनका निकटतम प्रतिद्वन्द्वी गठबन्धनबाट नेपाली कांग्रेसका डाला प्रसाद तिमिल्सिनाले ११४० मत ल्याएका छन् । एमालेबाट महिला वडा सदस्यमा मनमाया डिमडुङ्गले १२४२, दलित महिला सदस्यमा शान्ति विकले १२५७ र खुल्ला सदस्यमा एमालेबाटै कमल प्रसाद रुवाली ११२८३ र एक बहादुर ल्वागुनले १२४५ मत ल्याएर विजयी भएका छन् ।
राप्तीमा अहिलेसम्म ६, ४, १२, ५, ८, ९, ७, ११, १३, १ र २ गरी एघार वटा वडाको मतगणना सम्पन्न भएको छ । जसमा ७ वटा वडा एमाले, २ वटा वडा गठबन्धनबाट काँग्रेस, एक वटा वडा गठबन्धनबाट एकीकृत समाजवादी र एक वटा वडा स्वतन्त्रबाट (गुलाफको फुल चिन्ह) विजयी भएको छ । राप्तीमा एघार वटा वडाको जम्मा २६६४१ मत गणना गर्दा मेयरमा एमालेबाट गोविन्द प्रसाद कडेलले १०७१४ र गठबन्धनबाट नेकपा एकिकृत समाजवादीका शमशेर लामाले ११०८६ मत ल्याएका छन ।
त्यसैगरी उपमेयरमा एमालेबाट मेनुका पाठकले १११०४ र गठबन्धनबाट कांग्रेसका देवेन्द्र लामाले ११२७६ मत ल्याएका छन । राप्तीमा अब वडा नम्बर १० को मत गणना गर्न बाकी रहेको छ । हाल वडा नम्बर ३ को मतगणना हुदै गर्दा अहिले सम्म मेयर र उपमेयरमा गठबन्धन नै अगाडि देखिएको छ ।
