चितवन, २८ वैशाख
चितवनको रत्ननगर नगरपालिकाले करार सेवामा १३ जना नगर प्रहरी माग गरेको छ । नगरपालिकाले सहायक निरीक्षक एक जना, नगर प्रहरी सहायक हवल्दार एक जना, नगर पर्यटन प्रहरी जवान दुई जना र नगर प्रहरी जवान छ जना कर्मचारी माग गरेको हो ।
सूचनामा नगर प्रहरी जवान (महिला) दुई जना र नगर प्रहरी जवान (दलित/अल्पसंख्यक) एक जनाको लागि दरखास्त आह्वान गरिएको छ ।
योग्यता पुगेका इच्छुक नेपाली नागरिकले आफ्नो व्यक्तिगत विवरण, नेपाली नागरिकताको प्रमाणपत्र तथा शैक्षिक योग्यता र अनुभवका प्रमाणपत्र संलग्न गरी रत्ननगर नगरपालिकाको कार्यालयमा बुझाउन पर्नेछ ।
आवेदक कुनै राजनीतिक दलको सदस्य नभएको तथा मानव अधिकार र मानवीय कानुनको उल्लङ्घनमा सजाय नपाएको हुनुपर्ने नगरपालिकाले जनाएको छ ।
