चितवन, चैत १६
नेकपा एमाले भरतपुर महानगरपालिका वडा नम्बर १८ कमिटीको अधिवेशन सम्पन्न भएको छ ।
अधिवेशनले अध्यक्षमा सुरेशचन्द्र ढकाल, उपाध्यक्षमा मंगल तामाङ, सचिवमा लीलाधर सुवेदी, सहसचिवहरुमा प्रविन राना मगर र मञ्जु गुरुङसहित २५ सदस्यीय वडा कमिटी सर्वसम्मत चयन गरेको छ ।
कार्यक्रममा प्रमुख अतिथि नेकपा एमाले केन्द्रीय सदस्य एवम् भरतपुर महानगर इन्चार्ज जगन्नाथ थपलिया, बागमती प्रदेश कमिटी सदस्य कृष्णप्रसाद भूर्तेल, प्रदेश कमिटी पूर्व सदस्य एवम् जिसस प्रमुख नारायण प्रसाद अधिकारी, जिल्ला कमिटी अध्यक्ष रामप्रसाद न्यौपाने, उपाध्यक्ष कमलराज पाठक, प्रदेश कमिटी पूर्व सदस्य एवम् अभियानका वडा संयोजक सीता बस्याल, महानगर कमिटीका अध्यक्ष शंकर थपलिया, उपाध्यक्ष दिलिप न्यौपाने लगायतको उपस्थिति रहेको थियो ।
यसैगरी उक्त कार्यक्रमबाट युवा संघ भरतपुर महानगरपालिका वडा नम्बर १८ को कमिटी समेत गठन गरिएको छ । प्रेम बरालको नेतृत्वमा सर्वसम्मतिले १८ सदस्यीय कमिटी गठन गरिएको हो ।
उक्त कार्यक्रममा युवा संघ केन्द्रीय सदस्य एवम् जिल्ला इन्चार्ज शंकर अधिकारी, युवा संघका जिल्ला अध्यक्ष झलक भट्ट, भरतपुर महानगर सचिव रामचन्द्र भट्ट लगायतको उपस्थिति रहेको थियो ।