शिक्षक सेवा आयोगबाट करार सूचीमा रहेका आवेदकहरूले निवेदन दिएमा प्राथमिकतामा आधारमा विद्यालयले यस्ता आवेदकलाई स्वतः नियुक्ती दिनुपर्ने व्यवस्था नियमावलीमा गरिएको छ । विद्यालयमा २ जना करार सूचीमा रहेका शिक्षक र बाँकी अन्यले आवेदन दिएका छन् । यस नियम बमोजिम विद्यालयले शिक्षक नियुक्ती नगरे शिक्षा विकास तथा समन्वय इकाई प्रमुखले यस्तो नियुक्ती बदर गर्ने सक्ने सोही नियमको दफा १० मा उल्लेख गरिएको छ ।

‘नियमसंगत तरिकाबाट भएको विज्ञापन र परेको आवेदनमाथि प्रकृया सुरु नगरेर नयाँ विज्ञापन किन गरिएको हो भन्ने कुरा विद्यालयले खुलाएको छैन, आलटाल कुरा गरेको छ’ महानगरका शैक्षिक प्रशासन महाशाखा प्रमुख महेन्द्र प्रसाद पौडेलले भने, ‘दोस्रोपटक पुनः विज्ञापन लिने विषयमासमेत हामीलाई जानकारी छैन ।’ विद्यालयका प्रद्यानाध्यापक रामजी अधिकारीले पुरानो विज्ञापनमा केही कुराहरु छुटेकोले संशोधन गरेर नयाँ विज्ञापन प्रकाशन गरिएको बताए । ‘शिक्षक सेवा आयोगको करार सूचीमा रहेकालाई प्राथमिकतामा दिने र अन्यको हकमा दस्तुर फिर्ता गर्ने भन्ने कुरा छुटेछ’ अधिकारीले भने, ‘नयाँ विज्ञापन गर्दा पहिलाको भन्दा अझैं माथिल्लो योग्यताक्रम भएका करारका शिक्षक पनि आउन सक्छन् नी ।’ विद्यालयका एक शिक्षकले नियमावलीमा नै उल्लेख भएका सबै कुरा विज्ञापनमा समावेश गर्न सम्भव नहुने बताए ।

विद्यालयले १५ दिनको म्याद गुजारेर मात्रै संसोधनको नयाँ सूचना निकालेको हो । ‘गल्ती नै लागेको भए १५ दिन भित्रै सच्चाउनुपर्दथ्यो, सो समय कटाउनुका पछाडि नियत नै गलत हो’ एकजना शिक्षकले भने, आवेदकहरूको अनुहार हेरेर संसोधनको सूचना निकालेको देखिन्छ ।’ सो विद्यालयको व्यवस्थापन समितिको अध्यक्ष वडा नं. १ का वडाध्यक्ष केशव महर्जन छन् । विद्यालय व्यवस्थापन समिति चयन हुन नसकेपछि उनी नै विद्यालयको अस्थायी विद्यालय व्यवस्थापन समितिको अध्यक्ष रहेका छन् । अस्थायी समितिको म्याद चैत १२ गते सकिँदैछ ।

उक्त त्रुटि सच्याउन अनेरास्ववियु चितवनले माग गरेको छ । विद्यालयले वेवास्ता गरि समस्याको समाधान नगरेमा चरणबद्ध आन्दोलनका कार्यक्रमहरु घोषणा गरिने विज्ञप्तिमा उल्लेख गरिएको छ ।
हेर्नुहोस् विज्ञप्ति :-