चितवन, १ चैत
चितवनको रत्ननगर नगरपालिका १३ स्थित अमिलियामा एक महिला झुण्डिएको अवस्थामा मृत फेला परेकी छन् ।
धादिङ घर भई रत्ननगरमा बिष्णु पौडेलको घरमा डेरा गरि बस्ने पवित्रा खतिवडा आफ्नै कोठामा झुण्डिएको अवस्थामा फेला परेकी हुन् ।
पंखाको सिलिङमा सलको पासो लगाई झुण्डीएको अवस्थामा खतिवडा मृत भेटिएकी हुन् । प्रहरी घटनास्थलमा पुग्दा खतिवडाको छोराछोरीले पासो काटिसकेको चितवन प्रहरीले जनाएको छ ।
प्रहरी घटनास्थलमा पुगेर घटनाबारे अनुसन्धान गरिरहेको छ। प्रहरीका अनुसार खतिवडाको शब पोष्टमार्टमका लागि भरतपुर सरकारी अस्पतालमा ल्याइएको छ।