चितवन, ३० फागुन
पूर्व-पश्चिम राजमार्गअन्तर्गत रत्ननगर नगरपालिका वडा नं-१० स्थित निपनी चोकमा मोटरसाइकलले पैदलयात्रीलाई ठक्कर दिँदा तीनजना घाइते भएका छन् ।
भरतपुरबाट टाँडीतर्फ आउँदै गरेको ना ५५ प ९७९१ नम्बरको मोटरसाइकलले पैदलयात्री रत्ननगर नगरपालिका वडा नं-१० बस्ने ३४ वर्षीय नेत्रप्रसाद लामिछाने गम्भीर घाइते भएका छन् ।
दुर्घटनामा मोटरसाइकल चालक राप्ती नगरपालिका वडा नं-८ बस्ने २३ वर्षीय सुशील घर्तीमगर र मोटरसाइकल पछाडि सवार सोही ठाउँ बस्ने ५१ वर्षीय दिलबहादुर घर्तीमगर मध्यम घाइते भएका छन् ।
तीनैजना घाइतेको नयाँ मेडिकल कलेज भरतपुरमा उपचार भइरहेको र मोटरसाइकल इलाका प्रहरी कार्यालय टाँडीको नियन्त्रणमा रहेको प्रहरीले जनाएको छ ।
