भरतपुर, १७ फागुन
रत्ननगरमा ट्रकले ठक्कर दिँदा पैदलयात्रीको मृत्यु भएको छ ।
रत्नगर नगरपालिका वडा नं-९, कृष्ण मन्दिरस्थित पूर्वपश्चिम सडकखण्डमा प्रदेश २-०३-००१ ख ६९९६ नम्बरको ट्रकले पैदलयात्रीलाई ठक्कर दिएको हो ।
गम्भीर घाइते भएका अन्दाजी ६० वर्षीय पुरुषको उपचारको क्रममा मृत्यु भएको प्रहरीले जनाएको छ । हालसम्म उनको नामथर खुल्न सकेको छैन ।
ट्रक र चालकलाई नियन्त्रणमा लिइएको प्रहरीले जनाएको छ ।
