भरतपुर, १७ फागुन
रत्ननगर बालिका मृत्यु प्रकरणमा प्रहरीले तिनजनालाई पक्राउ गरेको छ । एकता शिशु निकेतन स्कुलका प्रिन्सिपल, भाइस प्रिन्सिपल र होस्टलको वार्डेनलाई प्रहरीले पक्राउ गरेको हो ।
पक्राउ पर्नेहरुमा रत्ननगर १० बस्ने ६० वर्षीय बालहरी देवकोटा, ४० वर्षीय किरण बहादुर अधिकारि र ४८ वर्षीय कमल शर्मा पौडेल रहेका छन् । उनीहरुलाई ज्यान सम्बन्धि कसुरमा जाहेरी दर्ता गरेर अनुसन्धान भइरहेको प्रहरीले जनाएको छ ।
फागुन १२ गते शनिबार बिहान एकता शिशु निकेतनमा कक्षा ८ मा अध्ययन गर्ने १४ वर्षीया शालिन पोखरेलले आत्महत्या थिइन् । गोरखा घर भई रत्ननगर वडा नं १५ माधवपुरस्थित मामाघरमा बसेर अध्ययन गर्दै आएकी छात्राले होस्टेलको कोठाको सिलिङ पंखामा प्लाष्टिकको डोरीको पासो लगाई झुण्डीएर आत्महत्या गरेकी हुन् ।
घटना शंकास्पद भएको भन्दै छात्राको परिवारले प्रहरीमा उजुरी दिएको थियो। जबर्जस्ती करणीपछि हत्या भएको दाबी परिवारले गरेको छ । अहिले बालिकाको शव पोष्ट मार्टमको लागि काठमाडौँ लगिएको परिवारले बताएको छ ।