काठमाडौं, ३० वैशाख –
काठमाडौं महानगरपालिकामा मतदान गर्नेहरुको संख्या कम देखिएको छ ।
प्रमुख निर्वाचन आयुक्त दिनेश थपलियाले करिव ५२ प्रतिशत हाराहारीमा मतदान भएको जानकारी दिए ।
यस्तो शान्तिपूर्ण अवस्था, मतदान केन्द्रमा प्रष्ट पहुँच र सबै सुविधा हुँदाहुँदै प्रारम्भिक कम मत खस्नु सन्तोषजनक नभएको उनले बताए ।
काठमाडौं महानगरपालिकासहित धेरै मतदाता भएका स्थानमा अपेक्षाअनुसार मतदान नभएको उनले बताए ।
देशभरका ७५३ पालिकामा शुक्रबार एकसाथ मतदान भएको थियो । आयोगको प्रारम्भिक अनुसार समग्रमा कम्तीमा देशभर ६४ प्रतिशत मत खसेको छ । धेरै मतदाता भएका स्थानमा अपेक्षाअनुसार कम मत खसेकाले यस्तो भएकाले समग्रमा तथ्यांक निकाल्दा ६४ प्रतिशत देखिएको छ ।
