– हिरालाल आचार्य ‘डायमण्ड’
चितवन, फागुन ३ –
लागुऔषध बेचबिखन तथा सेवनविरुद्ध सचेतना जगाउन भरतपुरमा मोटर साइकर्ल र्याली निकालिएको छ ।
भरतपुर ११ को गणेशस्थान टोल विकास संस्थाको आयोजना, लागु औषध दुव्र्यसनी संगठन तथा न्यूनिकरण समित, गणेस्थान आमा समुहको सह–आयोजना र शैक्षिक परामर्शदाता सेन्ट्रल कलेज अफ भोकेशनल ट्रेनिङ् प्रालिको सहयोगमा उक्त कार्यक्रम सम्पन्न भएको हो ।
‘लागु औषध दुव्र्यसनीलाई त्यागौं, स्वस्थ जीवन बाचौँ’ भन्ने मुल नारा लिएर उक्त मोटरसाइकल र्याली गरिएको हो । गणेस्थान मन्दिरबाट निस्किएको र्याली आँपटारी, पुल्चोक, शहिदचोक चौबिसकोठी, जिल्ला प्रहरी हुँदै मालपोत चोक, आधार नर्सरी र जंगल छेउछेउ हुँदै पुनः गणेस्थानमा पुगि कोण सभामा परिणत भएको थियो ।
गणेशधाम वरिपरिका जंगल क्षेत्रमा बढी मात्रामा दुव्र्यसनी भएको र यहाँका युवाहरु बिग्रदैँ जाने क्रम बढ्दै गएको हुनाले टोलबाटै यो सचेतना कार्यक्रम गरिएको लागुऔषध दुव्र्यसनी संगठन तथा न्यूनिकरण समितका सचिव रेशम सापकोटाले जानकारी दिए । यही पौष १३ गतेबाट समिति बनाएर दुव्र्यसनी न्यूनिकरण अभियान चलाइएको उनले बताए ।
यो अभियानमा दिवाकालिन तथा रात्रिकालिन गस्ती, प्लेकार्डसहित सचेतना गरिएको उनको भनाइ छ । त्यसैअन्तर्गत अहिले मोटरसाइकल र्याली निकालिएको हो । यस र्यालीमा सम्पूर्ण सहयोग सेन्ट्रल कलेजले गरेको जानकारी गराउँदै उनले कलेज परिवारप्रति आभार प्रकट गरे । मानविय चेतनाको विकासतर्फ पनि स्थानीय सरकारले ध्यान दिनुपर्ने बताउँदै उनले यसतर्फ घचघच्याउन पनि यो कार्यक्रम गरिएको बताए ।
समाजसेवी एवम् सेन्ट्रल कलेजका प्रिन्सिपल यज्ञविलास पौडेल ‘वाइवी’ ले सेन्ट्रल कलेज निरन्तर सामाजिक कार्यमा लागिरहेको बताउँदै लागुऔषध दुव्र्यसनी पनि अति आवश्यक विषय भएकोले यसमा पनि सहयोग गरेको बताए । यस्तो राम्रो काममा सहयोग गर्ने अवसर दिएकोमा आयोजकलाई धन्यवाद दिँदै पौडेलले यस्ता कार्यहरु समाजमा निरन्तर भइरहनुपर्ने बताए ।
