भरतपुर, २७ पुस
भरतपुर महानगरपालिका ७ स्थित क्यान्सर गेट नजिकै कार र मोटरसाइकल दुर्घटना हुँदा एकजनाको मृत्यु भएको छ।
मृत्यु हुनेमा मोटरसाइकल चालक माडी नगरपालिका ६ रामराज्यपुर बस्ने ३४ बर्षका कुल प्रसाद सापकोटा रहेका छन् । टाइगरचोकबाट बुद्धचोक जाँदै गरेको बा २८७५ नम्वरको कारले बा.०३–००३ प १७७६ नम्वरको मोटरसाइकललाई ठक्कर दिएको हो ।
दुर्घटनामा घाइते भएका सापकोटाको चितवन मेडिकल कलेजमा उपचारका क्रममा मृत्यु भएको प्रहरीले जनाएको छ । दुवै सवारी साधन र कार चालकलाई प्रहरीले नियन्त्रणमा लिएको छ।
उनको शव पोस्टमार्टमको लागि भरतपुर अस्पतालको शवगृहमा राखिएको छ ।