चितवन, २८ वैशाख
भरतपुरमा पाँच दलीय सत्ता गठबन्धनले मौन अवधिमा निर्वाचन आचा
रसंहिता उल्लघंन गर्दै नमूना मतपत्र वितरण गर्दै हिडेको पाइएको छ ।
गठबन्धनको टोलीले बा.१३ च १११८ नम्वरको स्कारपियो गाडीमा नमूना मतपत्र हालेर वितरण गर्दै हिडेको हो । उक्त गाडीले पश्चिम चितवनको विभिन्न वडामा नमूना मत्रपत्र वितरण गरेको छ । नमूना मतपत्रमा साना दल र स्वतन्त्र उम्मेदवारको चुनाव चिन्ह नै छैन ।
ठूला छ दलको मात्रै चिन्ह रहेको नमूना मतपत्र बाँडेको हो । भरतपुरमा काँग्रेसका स्वतन्त्र उम्मेदवार जगन्नाथ पौडेलको भुइँकटहर चिन्ह,राप्रपाको हलो चिन्ह,जनमोर्चाको गिलास लगायत अन्य स्वतन्त्र उम्मेदवारको चुनाव चिन्ह उक्त नमूना मतपत्रमा छैन ।
निर्वाचन आयोगले मौन अवधिमा कुनैपनि प्रचारात्मक गतिविधि गर्न नपाउने जनाएपनि गठबन्धनले आचारसंहित उलंघन गर्दै नमूना मतपत्र वितरण गर्दै हिडेको हो । स्वतन्त्र उम्मेदवार जगन्नाथ पौडेलले गठबन्धनको ठूलो संख्यामा मत प्राप्त गर्ने भएपछि भ्रम सृजना गर्न यस्तो खालको मतपत्र वितरण गर्दै हिडिएको भरतपुरका एक स्थानियले बताए ।
मूख्य निर्वाचन अधिकृतको कार्यालय भरतपुरका सूचना अधिकारी पुरुषोत्तम पौड्यालले मौन अवधिको समयमा कुनैपनि प्रचारप्रसारको गतिविधि गर्न नपाइने बताउनुभयो ।
उहाँले भन्नुभयो,‘निर्वाचन आचारसंहित २०७८ मा प्रष्टसंग उल्लेख भएको छ,यो अविधिमा कुनैपनि नाममा उम्मेदवारको प्रचारप्रसार हुने गतिविधि गर्न पाइँदैन ।’
उहाँले यस बिषयमा लिखित उजुरी परेमा छानविन अघि बढाउने बताउनुभयो । पौड्यालले मौन अवधिमा आचारसंहित पालना गर्न र गराउन सबै राजनीतिक दलहरुलाई ध्यानाकर्षण गरिएको जानकारी दिनुभयो । मंगलबार मध्यरात १२ बजेदेखि मौन अवधि सुरु भएको छ ।
