चितवन, २१ पुस
भरतपुर महानगरपालिका वडा न. १२ मा राष्ट्रिय स्वतन्त्र पार्टीको कमिटी गठन भएको छ । आज भएको अधिवेशनबाट दिपकराज सेढाईको नेतृत्वमा ११ जना कार्य समिति सदस्य र ४ जना वडा परिषद सदस्य गठन गरिएको छ ।
पार्टीका केन्द्रिय उपसभापति डोल प्रसाद अर्याल (डीपी)को प्रमुख आतिथ्यतामा कमिटी गठन गरिएको हो । उक्त कमिटीको उपसभापतिमा गीता कार्की, सचिवमा मनोज कुमार भुजेल र सदस्यहरुमा सन्जु वि.क, दुर्गा कुमारी घिमिरे, मिना कुमारी महतारा, सुजन शर्मा, प्रकाश अधिकारी, रजनी डल्लाकोटी, कृष्ण प्रसाद देवकोटा, कृष्ण कला गौली रहेका छन् भने वडा परिषद सदस्यहरुमा विनु रेग्मी, मन कुमारी जि.सी, नन्द राज अधिकारी, यम बहादुर उप्रेती रहेका छन् ।
कार्यक्रममा केन्द्रिय उपसभापति डोल प्रसाद अर्याल (डीपी), केन्द्रिय सदस्य राजन गौतम, केन्द्रिय शिक्षा विभाग सदस्य कृष्ण हरि पौडेल, जिल्ला उपसभापति प्रभा ढकाल, भरतपुर महानगर सभापति सिता ज्ञवाली, महानगर कोषाध्यक्ष मनरुपा पौडेल लगायत पार्टीका नेताहरुको उपस्थिति रहेको थियो ।
नवगठित कमिटीलाईलाई जिल्ला उपसभापति प्रभा ढकालले पद तथा गोपनियताको सपथ खुवाउनु भएको थियो ।
