एक पटक भर्ना गरेपछि भाषा परीक्षा पास नहुन्जेल कक्षा लिन पाउने व्यवस्था पनि रहेको उनले बताए । ‘कोरियाले यो वर्ष नेपाली कामदार कोटा ह्वात्तै बढाएपछि कोरियन भाषा सिक्न आउने विद्यार्थीहरु बढेका छन्, उनेले भने, ‘हामीले निरन्तर कोरियन भाषाका कक्षाहरु सञ्चालन गरिरहेका छौँ ।’

१२ महिना नै बिहान ६ बजेदेखि बेलुका ६ बजेसम्म भाषा कक्षा सञ्चालन भइरहेको उनले जानकारी दिए । सि स्टारले सबै विद्यार्थीलाई पास गराउने गरी प्रविधिको प्रयोग गरेर कक्षा सञ्चालन गरेको उनको दाबी छ ।

‘हामीले प्रोजेक्टरबाट कक्षा सञ्चालन गरेका छौँ, विद्यार्थीका लागि आवश्यक पर्ने किताब, लाइब्रेरीको व्यवस्था गरेका छौं’ उनले भने । अनुभवि शिक्षकबाट कक्षा सञ्चालन गरिएको भन्दै उनले सि स्टारमा अध्ययन गरेका अधिकांश विद्यार्थी पास हुने बताए ।

उनका अनुसार इपिएस अन्तर्गत दक्षिण कोरिया सरकारले उत्पादन मुलक क्षेत्रका लागि १५ हजार ८४८ जना कोटा छुट्टाएको छ । आगामी पुस २ गतेदेखि ६ गतेसम्म आवेदन दिन सकिने इपिएस शाखाले जनाएको छ । परीक्षा सम्बन्धी जानकारी माघ २२ गते सार्वजनिक गरिने जनाइएको छ । १८ वर्ष पूरा भई ३९ वर्षभित्रका नेपाली नागरिकहरुले आवेदन दिन सक्नेछन् ।

सि स्टारले जापान विद्यार्थी भिसा र वर्किङ्ग भिसा, कम्प्युटर तालिम, अंग्रेजी कक्षा पनि सञ्चालन गर्दै आएको छ । ९ वर्षदेखि शैक्षिक क्षेत्रमा स्थापित सि स्टारले शैक्षिक परामर्श, भाषा कक्षा, जब ग्यारेन्टी सीपमुलक तालिमहरु दिँदै आइरहेको छ ।