कपाल प्रत्यारोपणले सौन्दर्यता मात्र बढाउने बताउँदै डा झाले यसले स्वास्थ्यमा राम्रो नराम्रो कुनै पनि प्रकारको असर नगर्ने बताए । टाउको पछाडिको कपाल अर्थात डोनर एरिया कम हुने, छालासम्बन्धी रोग भएका, मधुमेह र उच्च रक्तचापका बिरामीले कपाल प्रत्यरोपण गर्न नमिल्ने उनले बताए ।  अन्य अवस्थामा प्रत्यारोपण गर्न सकिन्छ ।

कपाल झर्ने समस्याको भरपर्दाे उपचार पद्दती भनेकै हेयर ट्रान्सप्लान्ट भएको डा झाको भनाइ छ । प्रत्यारोपण गर्दा कुनै पनि केमिकलको प्रयोग हुँदैन । यो एकदमै प्राकृतिक प्रक्रिया भएको र एक ठाउँको कपाल अर्काे ठाउँमा सार्ने मात्र काम हुने डा. झा बताउँछन् ।

उनका अनुसार एकपटक कपाल प्रत्यारोपण गरेपछि २०/२५ वर्षसम्म केही हुँदैन । प्रत्यारोपण गरेको ६ महिनापछि कपाल प्रत्यारोपण गरेको हो वा होइन भनेर हेर्दा छुट्याउन सकिँदैन । प्रत्यारोपणपछि सामान्य अवस्थामा झैँ काट्न, नुहाउन, रंग गलाउन मिल्ने उनको भनाइ छ ।

कर्णालीको कालिकोटदेखि चितवन आएर भर्खरैमात्र हेयर ट्रान्प्लान्ट गराएका टोपेन्द्र विष्टले राम्रो सेवा पाएको बताए । शिक्षण पेसा गर्ने विष्ट उमेरले ३१ वर्षको भएको बताउँछन् । चितवन आजका लागि हिरालाल आचार्य ‘डायमण्ड’को रिर्पाेट ।