चितवन, वैशाख २५
हिजो राति नारायणगढ मुग्लिन सडकखण्डमा खसेको पहिरो हटाएर सडक सुचारु गरिएको छ ।
जिल्ला प्रहरी कार्यालय चितवनका अनुसार हिजो राति ७ः३० बजे इच्छाकामना गाँउपालिकाको चोके खोलामा पहिरो खस्दा सडक अवरुद्ध बनेको थियो ।
सडक बिहान ०४:१५ मा सुचारु भएकोमा पुन ०५:०० बजे पहिरोको सानो ढिस्को खसि अवरोध भएको थियो । उक्त माटोको ढिस्को पन्छाई ०५:३० बजेको समयबाट सडक सुचारु भएको प्रहरी कार्यालयका सूचना अधिकारी एबम् प्रहरी नायब उपरीक्षक (डिएसपी) नरहरि अधिकारीले जानकारी दिए ।
