रत्ननगर । चितवनको खैरहनीमा गोहीको आक्रमणबाट शनिबार एक जनाको मृत्यु भएको छ।
कुमरोज र रत्ननगरको सिमानाबाट बग्ने ढुङ्ग्रे खोलामा नुहाउने क्रममा रत्ननगर वडा नं ५ मगरटोलका ४२ बर्षिय फगुना महतोको मृत्यु भएको जनकौली मध्यवर्ती सामुदायिक वनका अध्यक्ष जोगेन्द्र महतोले जानकारी दिए । घटना दिउसो ५ बजे सो वन क्षेत्रमा भएको हो।
शवको मुचुल्का उठाएर पोष्टमाटमको लागि भरतपुर अस्पताल पठाइएको छ । सामुदायिक वनमा घाँस काट्न गएका महतो खोलामा नुहाउने क्रममा गोहीले आक्रमण गरेको वनका अध्यक्ष महतोले बताए ।
