चितवन, बैशाख २२
भरतपुरमा सत्ता गठबन्धनले आज चुनावी सभा गर्ने ठाउँ केन्द्रीय बसपार्कमा पानीको ताल बनेको छ ।
रातभर परेको पानीले सभा गर्ने स्थल पानीको तलाउ बनेको हो । स्टेज पनि डुबेको छ ।
गठबन्धनले आज विशाल चुनावी आम सभा गर्ने कार्यक्रम रहेको थियो । जसका लागि प्रधानमन्त्री तथा नेपाली कांग्रेसका सभापति शेरबहादुर देउवा चितवन आइसकेका छन् भने नेकपा माओवादीका अध्यक्ष प्रचण्ड, नेकपा समाजवादीका अध्यक्ष माधव नेपाल लगायत अन्य थुप्रै शिर्षस्थ नेताहरु आउने कार्यक्रम रहेको थियो ।
पानीको ताल परेपछि अब चुनावी सभा के हुन्छ भन्ने कुरा अन्यौल बनेको छ ।