– हिरालाल आचार्य ‘डायमण्ड’
चितवन, भदौ २९
बाल दिवसका अवसरमा बेस्ट डेस्टिनेशन एजुकेशन प्रालिद्वारा पश्चिम चितवनमा आयोजित अन्तर विद्यालय हाजिरी जवाफ प्रतियोगिता सम्पन्न भएको छ । शुक्रबार शारदानगर क्याम्पसमा भएको हाजिरी जवाफ प्रतियोगितामा गुञ्जानगर मावि प्रथम बनेको छ ।
दश टोली सहभागी रहेको हाजिरीजवाफ प्रतियोगितामा जानकी मावि दोश्रो, सर्वाेदय बोर्डिङ् स्कुल तेश्रो भए भने जनप्रिय बोर्डिङ् स्कुलले सान्तोना पुरस्कार प्राप्त गर्यो ।
प्रत्येक टोलीमा तीन जना विद्यार्थीको सहभागीता रहेको थियो । प्रथम, दोश्रो, तेश्रो र सान्तोना हुने टोलीलाई क्रमश नगद ५०००, ३०००, २००० र १००० नगद एवम् ट्रफि प्रदान गरिनुका साथै ती टोलीमा सहभागी प्रत्येक विद्यार्थीलाई स्टेशनरी सामग्रीसहित मेडल लगाएर पुरस्कृत गरिएको थियो । र प्रथम, दोश्रो, तेश्रो र सान्तोना हुने विद्यार्थीहरुलाई बेस्ट डेस्टिेनशनले एसईई दिएपछि निशुल्क कम्प्युटर तालिम प्रदान गर्ने घोषणा गरेको छ ।
हाजिरी जवाफ प्रतियोगिता सुरु हुनु अघि भएको औपचारिक कार्यक्रममा बोल्दै बेस्ट डेस्टिनेशनका सञ्चालक संजय कुँवरले उच्च शिक्षा अध्ययनका लागि जापान, अष्ट्रेलिया जान चाहने विद्यार्थीहरुलाई उचित परामर्श दिनुका साथै भाषाका कक्षाहरु सञ्चालन गर्ने र भिसा प्रोसेसिङ्ग गर्ने एउटा उत्कृष्ट गन्तव्य बेस्ट डेस्टिनेशन रहेको दाबी गरे ।
उनले बेस्ट डेस्टिनेशनले विदेश जान चाहने विद्यार्थीलाईमात्र नभै स्वदेशमै पढ्न चाहने विद्यार्थीलाई पनि उपयुक्त शैक्षिक परामर्श दिने गरिएको बताए । यसैगरी बेस्ट डेस्टिनेशनले कम्प्युटर कक्षा र विभिन्न ट्युसन कक्षाहरु पनि सञ्चालन गर्दे आइरहेको छ ।
शहिद स्मारक कलेज व्यवस्थापन समितिका अध्यक्ष एवम् समाजसेवी बेलबहादुर गुरुङको प्रमुख आतिथ्यता, शहिद स्मारक कलेजका क्याम्पस प्रमुख वसन्त कुमार पौडेल, सहायक क्याम्पस प्रमुख राजु रानाभाटको विशेष उपस्थिति रहेकोे हाजिरी जवाफ प्रतियोगिता सञ्चारकर्मी समिर चापागाईंले सञ्चालन गरेका थिए ।
बाल दिवसको अवसर पारेर हाजिरी जवाफ प्रतियोगिता गरेको बेस्ट डेस्टिनेशनले समयसमयमा सामाजि कामहरु गर्दै आइरहेको छ ।