चितवन, २९ भदौ
चितवनको भरतपुर महानगरपालिका–१ स्थित नारायणी नदी किनारमा शुक्रबार सरसफाइ र वृक्षरोपण गरिएको छ । भरतपुर महानगरको आयोजनामा नारायणी नदीको पुलदेखि लीलाचोकसम्म सरसफाइ गरिएको हो ।
कार्यक्रममा भरतपुर महानगरभित्रका विभिन्न संघसंस्थाका प्रतिनिधि, सरसफाइकर्मी, नेपाली सेना, नेपाल प्रहरी र सशस्त्र प्रहरीको सहभागिता थियो ।
महानगरका प्रमुख रेनु दाहालले भरतपुर भ्रमण वर्ष २०२४ का लागि पनि सफा र सुन्दर हुन जरुरी रहेको बताइन् ।
