चितवन, भदौ २६
भरतपुर महानगरपालिका ११ मा रहेको आइएसएमटी कलेजमा रोजगार मेला सम्पन्न भएको छ ।
आज सोमबर कलेज परिसरमा उक्त रोजगार मेला सम्पन्न भएको हो । कलेजका एक अधिकारी अस्मित आचार्यका अनुसार बीएससी आईटी र बीएचएमको अन्तिम वर्षमा अध्ययनरत तथा पासआउट भएका १०० जना विद्यार्थी सहभागी थिए ।
कलेजले शिक्षासँगै रोजगार पनि उपलब्ध गराउने उद्देश्यले विभिन्न कम्पनीसँग सम्झौता गरी रोजगार मेला गरिएको आचार्यले बताए ।
रोजगार मेलामा १० वटा कम्पनीका प्रतिनिधि उपस्थित भएर विद्यार्थीसँग प्रथम चरणको अन्तवार्ता लिएका छन् । सहभागी भएका धेरैजसो विद्यार्थीहरुलाई जागिरको प्रस्ताव राख्दै दोश्रो चरणको अन्र्तवार्ताका कम्पनीका प्रतिनिधिले विद्यार्थीलाई कम्पनीमै बोलाएका आचार्यले जानकारी दिए ।
तपाईको प्रतिक्रिया
सम्बन्धित समाचार