भरतपुर । सिन्धु विकास बैंक लिमिटेडले १४औं वार्षिकोत्सवको अवसरमा बैंकको क्षेत्रीय कार्यालय नारायणगढ तथा कमलनगर शाखाले बैंकको प्राङ्गणमा खुला रक्तदान कार्यक्रम सम्पन्न गरेको छ ।
उक्त खुला रक्तदान कार्यक्रममा करिब ५० जनाले रक्तदान गरेका थिए ।
उक्त कार्यक्रममा नारायणगढ बजार आसपास क्षेत्रका स्थानिय बासिन्दा, नेपाल प्रहरी, जिल्ला रेडक्रस सोसाईटी भरतपुर तथा विभिन्न बैक बित्तिय संस्था एवं अन्य संघ संस्थाका प्रतिनीधिहरु लगाएत बैंकका क्षेत्रीय प्रबन्धक तथा अन्य कर्मचारीहरुको उपस्थितीमा कार्यक्रम सम्पन्न भएको हो ।
साथै बैंकको वार्षिकोत्सवको उपलक्ष्यमा यहि हप्ता ट्राफिक जनचेतना कार्यक्रम, विद्यालयहरुमा शैक्षिक सामाग्रीहरु वितरण गर्नुका साथै प्रतिष्ठित मठ मन्दीरमा डस्टपिनहरु वितरण गर्ने कार्यक्रम समेत रहेको बैंकका क्षेत्रीय प्रबन्धक रबिन कुँवर क्षेत्रीले जानकारी दिए ।
बैंकले आफ्नो कार्यक्षेत्र सिन्धुपाल्चोक, दोलखा, काभ्रेपलाञ्चोक, मकवानपुर र चितवन जिल्ला समेत गरी २५ वटा शाखा कार्यालयहरु र १ वटा सिमित बैकिङ्ग ईकाइबाट बैकिङ्ग सेवा प्रदान गर्दै आईरहेको छ । बैंकले आफ्नो कार्यक्षेत्रका अधिकांश ग्रामिण भेगहरुमा बैंकिङ्ग सेवा विस्तार गरी उक्त क्षेत्रमा बसोवास गर्ने सर्वसाधारण ब्यक्तिहरुलाई सर्वसुलभ तवरले सेवा प्रदान गर्दै आईरहेको छ ।
बैंकले हाल रहेको प्रतिस्पर्धी बजारमा ग्राहकहरुको सुविधाको लागी सम्पूर्ण शाखा कार्यालयहरु मार्फत मोवाईल बैकिङ्ग, एससिटि डेबिट कार्ड एसएमएस बैैकिङ कियूआर कोर्ड, सि–एएसविए, कनेर्ट आइपिएस, आरटिजिएस लगायल सेवाहरु प्रदान गर्दै अईरहेको बैंकले बताएको छ।
