भारत, भदौ १२-
भारतको उत्तर प्रदेशस्थित प्रयागराजमा १० कक्षामा पढ्ने छात्रको कुटी कुटी हत्या गरिएको छ । घटना सार्वजनिक भएपछि स्थानीयले विरोध प्रदर्शन गरेका छन् ।
घटनास्थलमा प्रहरी अधिकारीसमेत अन्य अधिकारी पुगेर स्थितिलाई नियन्त्रण गर्ने कोसिस गरे । प्रहरीले घटनामा संलग्न भएको आरोपमा तीन युवकलाई हिरासतमा लिएको छ ।
के हो घटना ?
घटना प्रयागराजको खिरी इलाकाको हो । हत्या गरिएका छात्रको अन्य समुदायका विद्यार्थीसँग स्कुल परिसरमा नै विवाद भएको जानकारीमा उल्लेख छ ।
विवादलाई विद्यालयका शिक्षकले सुल्झाउने कोसिस गरेका थिए तर बेलुका छुट्टी भएपछि विद्यार्थी आफ्नी काकाकी छोरीसँग स्कुलबाट फर्किरहेका बेला केही युवकले उनलाई घेरे ।
यी युवकले उनका काकाकी छोरीमाथि दुर्व्यवहार गरेको बताइएको छ र यसबारे विरोध गर्दा ती छात्रमाथि कुटपिट भएको आरोपमा उल्लेख छ । प्रहरीले दुर्व्यवहारको घटना अस्वीकार गरेको छ।
एडिसनल एसपी सन्तोष कुमार मिणाले मिडियासँगको कुराकानीमा भने, ‘परमानन्द स्मारक इन्टर कलेजमा विद्यार्थीबीच कुनै कुरालाई लिएर झगडा भएको थियो । झगडालाई शिक्षकले शान्त पारेका थिए । तर स्कुल छुट्टी भएपछि उनीहरुबीच पुनः झगडा भयो जसमा एक विद्यार्थीको मृत्यु भयो ।’
मिणा भन्छन्, ‘परिवारले दिएको निवेदनमा मुद्दा दर्ता भएको छ । तीन जनालाई हिरासतमा लिइएको छ ।’ एजेन्सी
