काठमाडाैं साउन १,
भारतमा पछिल्लो केही दिनदेखि टमाटरको मूल्य निरन्तर बढिरहेको छ । कतिपय ठाउँमा टमाटर प्रतिकिलो ३५० भारुसम्म पुगेको भारतीय सञ्चार माध्यमले जनाएका छन्
बढ्दो मूल्यसँगै एक किसान टमाटर बेचेरै करोडपति बनेका छन् । महाराष्ट्रको पूणे जिल्लाको पाँचघर गाउँका किसान तुकाराम गायकर टमाटर बेचेरै एक महिनामा करोडपति बनेको समाचारमा उल्लेख छ ।
पाँचघर पुणेको एउटा सानो गाउँ हो । त्यहाँ प्याज र टमाटरको राम्रो खेती हुने गरेको भारतीय सञ्चार माध्यम अमर उजालाले जनाएको छ । समाचारअनुसार उनको साथमा १८ एकड जमिन छ ।
जसमध्ये उनले १२ एकडमा टमाटर खेती गरेका थिए । उनले टमाटर खेती गरेरै एक सय बढी महिलालाई रोजगारी दिएका छन् ।
उनले पछिल्लो एक महिनामा १३ हजार क्यारेट टमाटर बेचेका छन् । जसबाट सवा एक करोड भारु कमाएको समाचारमा उल्लेख छ ।
उनले टमाटर बेचेर एक दिनमै १८ लाख भारु कमाएका थिए । उनको गाउँमा उनीसँगै अन्य १०/१२ किसान पनि टमाटर बेचेरै करोडपति बनेको समाचारमा उल्लेख छ ।
