चितवन जेठ १७
चितवनको राप्ती नगरपालिकामा ट्रकको ठक्करबाट मंगलबार राति एक वृद्धको मृत्यु भएको छ । पुर्वपश्चिम राजमार्ग अन्तर्गत राप्ती नगरपालिका वडा नम्बर ४ मार्ताल पुल नजिक ट्रकले साइकलयात्रीलाई राति करिव पौने १० बजे ठक्कर दिएको थियो ।
पुर्वबाट पश्चिमतर्फ आउदै गरेको बागमती प्रदेश ०३-००१ ख १८६३ नम्बरको ट्रकको ठक्करबाट स्थानीय अन्दाजी ६५ वर्षिय हरि प्रसाद पाण्डे गम्भीर घाइते भएका थिए । घाइते पाण्डेलाई उपचारको लागि पुरानो मेडिकल कलेज भरतपुर पुर्याउदा चिकित्सकले मृत घोषणा गरेको प्रहरीले जनाएको छ । ठक्करदिने ट्रक र चालकलाई प्रहरीले नियन्त्रणमा लिएको छ ।
