चितवन, वैशाख ३१-
अधिकृत व्यवसायी संघ, चितवनले नारायणगढको बालकुमारी उच्च माध्यमिक विद्यालयलाई आज एक कार्यक्रमको आयोजना गरी दश थान पङ्खा सहयोग प्रदान गरेको छ । अधिकृत व्यवसायी संघका अध्यक्ष नारायण प्रधानले संघका संस्थापक अध्यक्ष पवनकुमार पियाको प्रमुख आतिथ्यतामा बालकुमारी उच्च माध्यमिक विद्यालयका व्यवस्थापन समितिका अध्यक्ष दीपक प्रधानलाई उक्त पङ्खाहरू सहयोग हस्तान्तरण गरेको हो ।
बढ्दो गर्मीमा विद्यार्थीहरूलाई पठनपाठनमा सहज होस् भनि कक्षा कोठा र कार्यशाला कक्षहरूमा जडान गर्न पङ्खा सहयोग गरिएको संस्थाका अध्यक्ष नारायण प्रधानले बताए । अधिकृत व्यवसायी संघ चितवनले नारायण प्रधानको नेतृत्वमा गठन भएको कार्यसमितिले सामाजिक कार्यमासमेत संघलाई अगाडि बढाएकोमा संस्थाका संस्थापक अध्यक्ष एवम् कार्यक्रमका प्रमुख अतिथि पवनकुमार पियाले प्रशन्नता व्यक्त गरे ।
त्यसैगरी विद्यालय व्यवस्थापन समितिका अध्यक्ष दीपक प्रधानले विद्यार्थीहरूको पठनपाठनमा सहजता प्रदान गर्न संघद्वारा प्रदान गरिएको सहयोगको लागि विद्यालयको तर्पmबाट आभार प्रकट गरे । गर्मीमा विद्यार्थीहरूले खलखल पसिना चुहाएर पढ्नु पर्ने बाध्यतालाई संघले प्रदान गरेको पङ्खा सहयोगले राहत मिल्ने सह–प्रधानाध्यापक मिना पोखरेलले बताए । संघका महासचिव मनोज रौनियारले सञ्चालन गरेको उक्त कार्यक्रमका संयोजक राहुल अग्रवाल थिए ।
कार्यक्रममा संघका पूर्व अध्यक्षहरू प्रद्युम्न सापकोटा, जिवनाथ पौडेल, निवर्तमान अध्यक्ष रवि श्रेष्ठ, सल्लाहकारहरू बद्रीलाल प्रधान र श्रवण रेग्मी, उपाध्यक्ष रामजी घिमिरे, कोषाध्यक्ष शम्भुलाल श्रेष्ठ ‘राजु’, सह–सचिव कुलप्रसाद अधिकारी लगायत सदस्यहरू निरेश सिंह, निर्मल ढकाल, नितेश महेश्वरी, मनोज न्यौपाने, श्रीराम तिवारी र उद्धव अधिकारीको उपस्थिती रहेको थियो ।