गैँडाकोट, बैशाख ११ –
नेकपा एमालेले गैँडाकोट नगरपालिकाको मेयरमा पुनः छत्रराज पौडेललाई उम्मेद्वार बनाउने निर्णय गरेको छ ।
एमाले गैंडाकोट नगरकमिटीका उपाध्यक्ष नवराज कंडेलका अनुसार नेकपा एमाले गण्डकी प्रदेश कमिटीले पौडेललाई मेयर पदमा उठाउने निर्णय गरेको हो । एमालेबाट मेयर पदका लागि जिल्ला उपसचिव यमुनाथ आचार्य, जिल्ला सदस्य गोपालप्रसाद गौतम र छत्रराज पौडेलको नाम सिफारिस गरेर प्रदेश कमिटीमा पठाइएको थियो ।
पौडेल २०७४ को स्थानीय तह निर्वाचनमा एमालेबाट गैंडाकोट नगरपालिकाको मेयरमा विजयी भएका थिए । हाल उनले राजीनामा दिइसकेका छन् ।
उपमयेरमा भने एमालेले राप्रपासँग तालमेल गर्ने गरी छलफल भइरहेको बताइएको छ ।
