चितवन, चैत २२-
राष्ट्रिय प्रजातन्त्र पार्टी (राप्रपा) चितवनले उपनिर्वाचनको लागि निर्वाचन परिचालन समिति गठन गरेको छ ।
वैशाख १० गते चितवन क्षेत्र नं. २ मा हुन गइरहेको उपनिर्वाचनलाई सहयोग पु¥याउन पार्टीले समिति गठन गरेको हो । समितिको संयोजकमा राप्रपाका केन्द्रीय सदस्य जगदिश पन्त रहेका छन् ।
समितिको सहसंयोजकमा राप्रपा चितवनका अध्यक्ष रुद्र ढकाल छन् । सदस्यमा राप्रपा जिल्ला सदस्य बुद्धीसागर लामिछाने, राप्रपा भरतपुर महानगरपालिका कमिटी अध्यक्ष दिपक थापा मगर, राप्रपा इच्छाकामना गाउँपालिका अध्यक्ष सोनाम हुसैन रहेका छन् । मिडिया संयोजकमा राप्रपा चितवनका भरतपुर महानगरपालिका सचिव सुलभ सिग्देल रहेका छन् ।
सचिवमा सन्तोष लामा मोक्तान छन् । राप्रपाले चितवन–२ को उपनिर्वाचनको लागि जिवलाल पुरीलाई उम्मेदवारमा उठाएको छ ।
तपाईको प्रतिक्रिया
सम्बन्धित समाचार
