चितवन, फागुन ३ –
गैंडाकोट नगरपालिकाले वडा नम्बर ६ र ७ स्थित नारायणी नदी जथाभावी उत्खनन् गरी डम्पिङ्ग गरिरहेको छ । र नदी किनारमा फोहोर फाल्न गएका सवारी साधनले ढुंगााबालुवा लिएर फर्किने गरेका छन् ।
यससम्बन्धि गुनासो आएपछि फिल्डमा जाँदा त्यहाँ जथाभावी नदी उत्खनन् गरी डम्पिङ्ग गरिएको पाइयो भने फोहोर पनि जथाभावी फालिएको छ ।
स्थानीय विमल शर्माले त्यहाँ फोहोर फाल्न आएका सवारीले ढुंगा बालुवा ओसारपसार गर्न थालेपछि स्थानीय मिलेर नगरपालिकाको गाडी समाएर गैंडाकोट इलाका प्रहरी कार्यालयमा बुझाएको बताए ।
तर प्रहरीले माथिको आदेश भन्दै भोलिपल्टै छाडिदिएको र ती फोहोर फाल्न आएका सवारीले पुनः ढुंगा बालुवा ओसार गरिरहेको बताए ।
वडा कार्यालयलाई समेत कुनै जानकारी नगराई नगरपालिकाले दादागिरी देखाउँदै जथाभावी उत्खनन् गरिरहेको स्थानीय लक्ष्मण चापागाईंको गुनासो छ । वडा अध्यक्षलाई जानकारी गराउँदा आफ्नो कुरै नसुनी मेयरले दम्भ देखाएर उत्खनन् गरिरहेको प्रतिक्रिया दिएको स्थानीयको भनाइ छ ।
अर्का स्थानीय दुर्गा प्रसाद शर्मा ढकालले नगरपालिकाले जभाभावी खन्दा बाढी पस्ने डर भएको बताए । मेयरले स्थानीयको कुरै नसरी दम्भ देखाएर ज्यादती स्थानीयहरुको भनाइ छ ।
यस विषयमा जवाफ माग्न नगरपालिकाको कार्यालयमा पुग्दा नगरप्रमुखसहितको टोलीले संवाददाता हिरालाल आचार्यमाथि दुव्र्यहार गर्दै धम्किपूर्ण अभिव्यक्ति र कुटपिटको प्रयास गरेका छन् । उनले तँलाई जुन स्थानीयले पठाएको हो त्यहीसँग गएर जवाफ माग ? तँ कसलाई साधेर नगरपालिका आइस, तँलाई नगरपालिका आउने अथोरिटि कस्ले दियो ? तँ कोहोस जवाफ दिन ? लगायतका गैह्र जिम्मेवारपूर्ण अभिव्यक्ति दिएका छन् ।
५/७ जनाको बाहिरी टोली लगाएर थर्काउने र पिट्ने प्रयास गरेको पत्रकार आचार्यले बताएका छन् ।
नगरपालिकाका मेयर जिम्मेवार भएर प्रतिक्रिया दिनुको सट्टा पत्रकारलाई धम्काउने र कुट्न खोज्नुले नगरपालिकाको मिलेमतोमा त्यहाँ जथाभावी उत्खनन् भई अवैध निकासी भइरहेको पुष्टि हुन्छ ।
घटनालाई प्रमाणित गर्ने भिडियो रिर्पाेट पत्रकार हिरालाल आचार्यले ग्यालेक्सी फोर के टेलिभिजनको सिधा कुरामा प्रशारण गरेका छन् । चितवन आज डटकमका समेत रिर्पाेटर रहेका आचार्यले आफूमाथि भएको दुव्र्यहारबारे फेसबुकमा स्टाटस लेख्दै एउटा भिडियो समेत पोष्ट गरेका छन् ।
आचार्यमाथि भएको दुर्व्यवहारको निन्दा गर्दै नेपाल पत्रकार महासंघ चितवन शाखाले विज्ञप्ति निकालेको छ । यसैगरी प्रेस चौतारी नेपाल चितवन शाखा, पश्चिम चितवन पत्रकार मञ्च लगायतका पत्रकार संबद्ध संघसंस्थाले पनि विज्ञप्ति निकालेरै घटनाको भत्र्सना गरेका छन् । आचार्य कार्यरत संस्था ग्यालेक्सी फोर के टेलिभिजनले पनि घटनाको निन्दा र भत्र्सना गरेको छ ।
चितवन आज डटकम पनि उक्त घटनाको निन्दा र भत्र्सना गर्दै मेयरका यस्ता धम्कीपूर्ण व्यवहारले नडराउने स्पष्ट पार्न चाहन्छ । सार्वजनिक चासोको विषयमा मेयरले हरेक कुराको स्पष्ट जवाफ दिनैपर्छ ।
पत्रकार आचार्यको स्टाटस :
