चितवन, माघ २०-
– हिरालाल आचार्य ‘डायमण्ड’
भारतीय तरकारीका कारण आफूहरुको तरकारी बिक्नै छाडेको र बिक्रि भइ हाले पनि उचित मूल्य नपाएको भन्दै चितवनका किसानहरुले सडकमा तरकारी फालेका छन् ।
चितवनका विभिन्न स्थानका किसानहरु भरतपुरमा आएर पूर्वपश्चिम राजमार्गमा तरकारी फालेका हुन् ।
भारतबाट आयातित तरकारीले भरतपुरका मण्डीमा कब्जा जमाएको र चितवनमा उत्पादित तरकारीले मूल्य नपाएको उनीहरुको गुनासो छ ।
किसानहरुले संघर्ष समिति नै बनाएर बारीबाट गाडीमा तरकारी बोकेर आएका थिए । संघर्ष समितिका संयोजक लेखराम भुषालले भारतबाट भइरहेको तरकारीको आयतलाई रोक्नुपर्ने बताए ।
अहिले जिल्लालाई पुग्ने तरकारी आफूहरुले नै उत्पादन गरिहेको भन्दै उनले बाहिरबाट ल्याउन आवश्यक नरहेको बताए । उनले भारतबाट ल्याउनै परे कर लगाउने व्यवस्था गर्नुपर्ने माग राखे ।
]
तपाईको प्रतिक्रिय
सम्बन्धित समाचार
