चितवन, पुष १९-
भारतको सम्पूर्णानन्द संस्कृत विश्वविद्यालयमा भरतपुर महानगरपालिका–२५ शुक्रनगरका सन्तोष न्यौपाने सर्वोत्कृष्ठ भएका छन् ।
ज्योतिष संकायतर्फ स्नातकोत्तर (आचार्य) मा न्यौपानेले सर्वाधिक अंक प्राप्त गरेका हुन् ।
विश्वविद्यालयको ४०औं दिक्षान्त समारोहमा उनलाई विश्वविद्यालयसँगै फलित ज्योतिषमा उत्कृष्ट बनेको भन्दै दुई वटा स्वर्ण पदकले सम्मान गरिएको समेत गरेको छ ।
उनीसँगै नवलपुर दलदलेका कृष्ण भूर्तेलले नब्बे न्याय र बाजुरा बडिमालिकाका सिद्धराज उपाध्यायले पुरान इतिहासमा १-१ स्वर्ण पदक प्राप्त गर्दै विश्वविद्यालय प्रथम बनेका छन् ।
उनले १३ वर्षको उमेर घर छाडेर तीन वर्ष दाङमा अध्ययन गरी एसएलसी पास गरेर भारतको बनारस गएर उच्च शिक्षा लिएका हुन् ।
सन् १७९१ मा स्थापना भएको यस विश्वविद्यालय भारतको प्राचिन मध्येको एक विश्वविद्यालय हो । भारतसहित नेपाल, थाइल्याण्ड, बर्मालगायतका देशबाट विद्यार्थीहरु पढ्न आउँछन् ।
