चितवन, पुष १२ –
त्रिविको आंगिक क्याम्पस वीरेन्द्र बहुमुखी क्याम्पसमा विद्यार्थीहरुका लागि स्वास्थ्य बीमा कार्यक्रम लागु हुने भएको छ ।
शैक्षिक सत्र २०७८/०७९ बाट नियमित लागुु हुने गरी सम्झौता भएको हो । २०७१ सालदेखि बीमा सेवा लागु भएको थियो र ०७१ सालदेखि नै विद्यार्थीसँग वर्षेनी ५०० का दरले स्वास्थ्य बीमा शुल्क लिइँदै आएको थिइयो । तर हालसम्म बीरेन्द्र क्याम्पसमा बीमा कार्यक्रम लागु भएको थिएन ।
बीरेन्द्र क्याम्पसमा लामो समयसम्म बीमा कार्यक्रम लागु नभएपछि अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) क्याम्पस कमिटीले तत्काल बीमा कार्यक्रम लागु गर्न माग गर्दै ४ महिनाअघि क्याम्पस प्रमुखको कार्यकक्षमा तालाबन्दी गरेको थियो ।
उक्त माग पूरा गर्र्र्न क्याम्पस प्रशासनले प्रक्रिया सुरु गरेपछि आज मंगलबार अनेरास्ववियु क्याम्पस कमिटीले ४ महिनापछि तालाबन्दी खोलेको हो । विद्यार्थीले पाउनुपर्ने सेवा सुविधामार्फतको स्वास्थ्य सेवा लागु हुने भएपछि तालाबन्दी खोलिएको बताउँदै क्याम्पस कमिटीका अध्यक्ष सुदिप पौडेलले खुसि व्यक्त गरे । उनले वीरेन्द्र बहुमुखी क्याम्पसमा लामो समयसम्म लागु नभएको बीमा कार्यक्रम लागु गराउन अनेरास्ववियु आन्दोलनमार्फत सफल भएको बताउँदै पौडेलले विद्यार्थी हकहितका लागि सँधै लागिरहने बताए ।
अनेरास्ववियु क्याम्पस कमिटीका इन्चार्ज विज्ञान अधिकारीले विद्यार्थीको हकहितकै लागि ४ महिनासम्म क्याम्पस प्रमुखको कार्यकक्षमा तालाबन्दी गरिएको बताउँदै महिनौसम्म तालाबन्दी गर्नु आफूहरुको बाध्यता भएको बताए ।
क्याम्पस प्रमुख दयाराम पौडेलले बीमा कार्यक्रम लागु गर्न प्रक्रियाका लागि आवश्यक कागजातसहित बीमा शुल्क बापतको रकम त्रिविको विद्यार्थी कल्याण तथा खेलकुद निर्देशनालयमा पठाइएको बताए । केही दिनमै निर्देशनालयका प्रमुख आई चितवन मेडिक कलेज (सिएमसी) सँग सम्झौता गर्ने कार्यतालिका रहेको उनले जनाए ।
क्याम्पस प्रशासनको सूचना :
