चितवन, पुष १२-
अर्थतन्त्र जोगाउनको लागि सरकारले ठोस कदम चाल्नुपर्ने माग राख्दै नवनियुक्त प्रधानमन्त्री पुष्पकमल दाहाल प्रचण्डलाई चितवनका व्यवसायीहरुले भेटेका छन् ।
मंगलबार उद्योग वाणिज्य संघ चितवनका अध्यक्ष चुननारायण श्रेष्ठको नेतृत्वमा संघका निवर्तमान अध्यक्ष राजु श्रेष्ठ, वरिष्ठ उपाध्यक्ष सुमनकुमार श्रेष्ठ र कार्यसमिति सदस्य राजन पियाको टोलीले प्रधानमन्त्री निवासमै भेट गरेको हो ।
भेटमा संघले अर्थतन्त्र जोगाउनको लागि सरकारद्वारा ठोस कदम चालिनुपर्ने माग गरेका छन् ।
भेटमा संघका अध्यक्ष चुननारायण श्रेष्ठले सडक डिभिजन कार्यालय चितवनल पुस ८ गते देखि भरतपुरको नारायणगढदेखि गोन्द्राङसम्मको सडकको दाया“बाया“ तर्फका संरचनाहरु अव्यवस्थित रुपमा डोजर लगाई भत्काउँदा व्यवसायीको मर्कामा परेको जानकारी गराए ।
यस्तै, सरकारी ढुकुटीमा रहेको रकम प्रवाह गरी तरलता व्यवस्थापनको उपाय अपनाउन उनीहरुले अनुरोध गरेका थिए । साथै नवनियुक्त प्रधानमन्त्री पुष्पकमल दाहाल प्रचण्डलाई बधाई त्रापन समेत गरेका थिए ।
भेटमा प्रधानमन्त्री प्रचण्डले समस्या समाधानको लागि सामुहिक प्रयास महत्वपूर्ण भएको बताएका थिए ।
