चितवन, पुस ७-
भरतपुरको सप्तगण्डकी बहुमुखी क्याम्पसमा बुधबार भएको भलिबल प्रतियोगितामा मिराकल होस्टेल बिजयी भएको छ ।
अखिल क्रान्तिकारी सप्तगण्डकी क्याम्पस एकाइले सहिदको स्मृतिमा गरेको अन्तर कलेज भलिबल प्रतियोगिताको फाइनलमा सप्तगण्डकी क्याम्पसलाई हराउँदै मिराकल होस्टेल पहिलो भएको हो । होस्टेलले ४० हजार राशी र ट्रफी जितेको छ । यस्तै, दोस्रो हुने सप्तगण्डकी बहुमुखी क्याम्पसले २० हजार रुपैयाँ र ट्रफी प्राप्त गरेको छ ।
प्रतियोगिताको समापन समारोहमा अखिल क्रान्तिकारी बागमती प्रदेशका अध्यक्ष सुरज सिंह ठकुरी, वागमती प्रदेश सभा सदस्य इश्र्वर सापकोटा, सप्तगण्डकी बहुमुखी क्याम्पस प्रमुख मणिराज महतोलगायतले विजयी विद्यार्थीलाई पुरस्कार वितरण गरेका थिए ।
पुस ३ गते बाट सुरु भएको प्रतियोगितामा २४ टिम सहभागी भएका थिए ।