चितवन, मंसिर २४ –
भरतपुर १० स्थित बोष्टन ईन्टरनेशनल कलेजले स्नातक तहको पढाई पूरा गरेका विद्यार्थीहरुलाई दिक्षीत गरेको छ । कलेजले आज (शनिबार) ‘चितवन मिडटाउ रिसोर्टमा १४२ जना विद्यार्थीहरुलाई दिक्षीत गरेको हो ।
कलेजले ‘स्नातक तह’का बिबिए, बिबिए-बिआई र बिसिआईएस् कार्यक्रम अन्तर्गत शैक्षिक सत्र २०१७ ब्याचका विद्यार्थीहरुलाई दिक्षीत गरेको हो । कार्यक्रममा दिक्षीत हुने विद्यार्थीहरुलाई मायाको चिनो प्रदान गरिएको थियो ।
कलेजले गत बर्ष झै यस बर्ष पनि स्नातक उत्रिर्ण गरेका विद्यार्थीलाई दिक्षीत गरेको बोष्टन ईन्टरनेशनल कलेजका एसोसिएट डाईरेक्टर पुष्पराज अधिकारीले बताए ।
कलेजले हालसम्म ९ पटक दीक्षान्त कार्यक्रमको आयोजना गरेको अधिकारीले बताए । बोष्टन ईन्टरनेशनल कलेजका अध्यक्ष एवम् कार्यक्रमका सभापती आनन्द बहादुर चन्दले दिक्षीत हुने विद्यार्थीलाई शुभकामना दिँदै बोष्टनले उत्कृष्ट शिक्षा प्रदान गर्नमा कुनै कसर बाँकी नराखेको बताए ।
उनले विद्यार्थीलाई पढाई सँगसँगै विभिन्न इन्टर्नसिप तथा विभिन्न कार्यक्रममा सहभागी गराउन देशभित्र तथा विदेशमा समेत लैजाने गरेको बताए । यसरीनै कलेजले शैक्षिक तथा समग्र व्यक्तित्व विकासमा निरन्तरता दिने प्रतिबद्धता व्यक्त गरे ।
बोष्टन ईन्टरनेशनल कलेजका एकाडेमिक डाईरेक्टर डा. विष्णु परियारले शुभकामना मन्तव्य राखेको कार्यक्रमा स्नातक तहका अध्ययन पुरा भई दिक्षीत हुने ३ जना विद्यार्थीहरु र २ जना अभिभावकहरुले आफ्नो अनुभवको साटासाट गरेका थिए ।
‘व्यवस्थापन संकायका डिन’, पोखरा विश्वविद्यालयका सह-प्राध्यापक डा. दया राज ढकालको प्रमुख अतिथि रहेका कार्यक्रममा ईन्साईट्स एसिया भेन्डोका प्रमुख कार्यकारी अधिकृत, अभिषेक घिमिरे, स्कोडा ईन्टरप्राईजेजका सिनियर अफिसर सौरन रिजाल, उद्योगी व्यवसायी, बैंक म्यानेजरहरु, विभिन्न कलेजका प्रधानाध्यापकहरु, अभिभावकहरु, विद्यार्थीहरु गरी करिब ४०० भन्दा बढीको उपस्ठिती रहेको थियो ।
