भरतपपुर महानगरपालिकाले भने आफूहरुलाई जानकारी नदिई फोहोर लगेर पुरिएको प्रतिक्रिया दिएको छ । भतरपुर महानगरपालिकाका निमित्त प्रशासकीय अधिकृत महेन्द्र प्रसाद पौडेलले नारायणी किनारमा फोहोर पुरिएको कुरा आफूहरुलाई पछिमात्र थाहा भएको र थाहा पाएपछि उद्योग वाणिज्य संघसँग बसेर छलफल गरिसकेको बताए । उवासंघले महानगर समक्ष गल्ति स्वीकार गरिसकेको उनको भनाइ छ । उनले अब विज्ञको सल्लाहका आधारमा आवश्यक कदम चाल्ने तयारीमा महानगर रहेको प्रतिक्रिया दिए ।

तर महानगरले आफूलाई जानकारी नभएको भने पनि नारायणीमा फोहोर लैजानका लागि महानगरले नियमित रुपमा खटाउने कर्मचारी र सवारी साधनहरु नै प्रयोग गरिएको छ । अर्थात नियमितरुमा महानगरको फोहोर व्यवस्थापन गर्ने जिम्मा लिएकाहरुले नै फोहोर बोकेर नारायणी किनारमा लगेका हुन् । यसबारे प्रतिक्रिया दिँदै निमित्त प्रशासकीय अधिकृति पौडेलले आगामि दिनमा यस्तो हुन नदिन कर्मचारीलाई सजग गराइएको प्रतिक्रिया दिए ।

उद्योग वाणिज्य संघ चितवनका अध्यक्ष चुननारायण श्रेण्ठले बाढीले बगाएको खाल्टो पुर्न विभिन्न विकल्पको खोजी गर्दा फोहोरले पुर्ने विकल्प निस्कििएको प्रतिक्रिया दिए । उनले भरतपुर महानगरपालिकाको वातावरण शाखासँग समन्वयन गरी फोहोर ल्याएर पुरिएको बताएका छन् ।
महानगरको वातावरण शाखाको विज्ञ टिमले वातावरणीय प्रभाव नपर्ने भनेपछि शाखाकै टिमले फोहोर उठाएर ल्याएको उनको भनाइ छ । उनले अब अर्काे विज्ञ टोली बनेकाले त्यसको सल्लाह बमोजिम आगामि कदम चाल्ने बताए ।

वातावरण शाखाका प्रमुख विराट घिमिरेले उद्योग वाणिज्य संघले आग्रह गरेपछि ठिकै होला भनेर फोहोर लगि नारायणी किनारमा पुरेको प्रतिक्रिया दिए । उनले यसविषयमा थप प्रतिक्रिया दिन चाहेनन् । उवासंघले नै यसको नेतृत्व गरेकाले उसैसँग सबै कुरा बुझ्न सुझाए ।