चितवन,कात्तिक २३-
चितवन निर्वाचन २ (ख) का प्रदेश सभा सदस्यका उम्मेदवार उत्तम जोशी घर दैलोमा व्यस्त छन् ।
जोशीको पक्षमा मत माग्न घरदैलोमा महिलाहरु सक्रिय भएर लागेका छन् । उम्मेदवारी घोषणायता नै उनलाई महिलाहरुबाट बलियो साथ मिलेको छ । जोशी स्वच्छ छबीका नेता भएकोले उनलाई प्रदेश सभा सदस्यमा जिताउनै पर्ने महिलाहरु बताउँछन् ।
भरतपुर महानगरपालिका १० कि विजया लम्साल जोशीको जित सुनिश्चित रहेको बताउँछन् । चितवन २ (ख) ले जोशी जस्तो निष्ठाको राजनीति गर्ने स्वच्छ छबीका नेतालाई उम्मेदवारको रुपमा पाउनु नै अर्थपूर्ण भएको उनी बताउँछिन् ।
जोशी कांग्रेसले मात्र नभई चितवनले नै गर्व गर्न लायक व्यक्ति भएको उनको बुझाई छ । ‘उहाँ जस्तो स्वच्छ छबी भएको, जनताको मानसपटलमा रहिरहन सक्ने, कांग्रेसले मात्र नभई चितवनले नै गर्व गर्न लायक नेतालाई हामीले उम्मेदवारको रुपमा पाउनु हाम्रो लागि पनि गर्वको बिषय हो, उनी भन्छन्,’उहाँको बिषयमा नराम्रो भन्ने कोही छैनन् । न त उहाँले औंला उठाउने ठाउँ नै दिनु भएको छ ।’
जोशीसँग नेतृत्वमा हुनुपर्ने सबै गुण भएको उनको भनाइ छ । पार्टीले दिएको हरेक जिम्मेवारी कुशलतापूर्वक निर्वाह गरेर उनले आफूलाई प्रमाणित गरिसकेको लम्साल बताउँछिन् । नेतृत्वमा रहँदा तथा नरहँदा पनि जोशी समाजका हरेक व्यक्तिको सुख, दु:खमा सधैं साथमा नै रहने गरेको उनी बताँछन् ।
जोशीबाट महिलासँगै चितवन २ (ख) का मतदाताले युवा तथा महिला स्वरोजगारको अपेक्षा गरेको उनी बताउँछिन् । यस्तै महिलालाई अघि बढाउन नीतिगत कार्यक्रमहरु ल्याउने उनको विश्वास छ ।
भरतपुर ४ कि नम्रता कंडेल जोशी जस्तो सहयोगी भावनाका व्यक्तिलाई मतदाताले भारी मतका साथ विजयी गराउनुपर्ने बताउँछिन् । जोशीले गर्ने निष्ठाको राजनीति नै उनको जितको आधार भएको उनको भनाइ छ । प्रदेश २ (ख) मा जोशी नै उपयुक्त उम्मेदवार भएको उनको बुझाई छ ।
भरतपुर ११ कि सविता गौतम जोशी नेतृत्वमा हुनुपर्ने सबै गुणले भरिपूर्ण भएको बताउँछिन् । उनी निडर, स्पष्ट वक्ता, बोलेको पुरा गरेरै छाड्ने जनप्रेमी नेता भएको गौतमको बुझाई छ ।
जोशीलाई घर दैलोमा साथ दिईरहेकी गौतम जित सुनिश्चित रहेको बताउँछन् । महिला मतदाताहरु जोशी जस्तो उम्मेदवार पाउँदा खुशी भएको उनको भनाइ छ । जोशी युवाहरुको पनि रोजाईमा परेको उनी बताउँछन् ।
विजयी भएपछि महिला स्वरोजगारका लागि जोशीले बिभिन्न कार्यक्रम तथा योजनाहरु ल्याउने मतदाताको अपेक्षा रहेको उनी बताउँछिन् । महिला स्वरोजगार भए घर, समाज र देश बलियो बन्ने भन्दै सोही अनुसार योजना ल्याउन जोशीलाई उनको आग्रह छ ।
भरतपुर ५ तोरी खेतकी सजना पौडेल पनि जोशी चितवनलाई नजिकबाट चिनेको नेता भएकोले उनलाई जिताउन पर्ने बताउँछिन् । उनी जस्तो बिना स्वार्थ, निष्ठाको राजनीति गर्ने नेता बिरलै पाइने पौडेलको बुझाई छ । यस्तै महिलाको हरेक समस्या बारे जोशी जानकार भएकोले उनलाई अत्याधिक मतले विजयी गराउन उनको अपिल छ ।
नेपाली कांग्रेसका जोशी मंसिर ४ मा हुने निर्वाचनका लागि लोकतान्त्रिक गठबन्धनबाट चितवन २ (ख) का साझा उम्मेदवार हुन् । गठबन्धनबाट प्रतिनिधि सभा चितवन २ मा कांग्रेसकै उमेश श्रेष्ठ र २ (क) मा माओवादी केन्द्रका घनश्याम दाहाल उम्मेदवार छन् ।
