चितवन, कार्तिक १४
प्रतिनिधि सभा सदस्यमा चितवन क्षेत्र नं. ३ का स्वतन्त्र उम्मेद्वार चन्द्र विलास अधिकारी मत माग्दै खेतखेतमा पुगेका छन् ।
क्रस खुकुरी चुनाव चिन्ह लिएर निर्वाचनमा होमिएका अधिकारी चितवनको व्यावसायिक क्षेत्रमा सफल व्यक्ति हुन् ।
राजनीतिमा युवा र व्यावसायिक क्षेत्रको पनि प्रतिनिधित्व हुनुपर्छ भन्दै उनी विभिन्न एजेण्डा बोकेर जनताको घरदैलोमा पुगिरहेका छन् ।
चितवन क्षेत्र नं. ३ ग्रामिण भूभागले ओगटेको क्षेत्र हो । यहाँ अधिकांश मानिसहरु कृषि पेसामा आवद्ध छन् । यतिबेला कृषकहरु खेतबारीमा व्यस्त छन् ।
घरमा मतदाता भेटिन मुस्किल भएपछि अधिकारी खेतबारीमै पुगेर भोट माग्न सुरु गरेका हुन् ।
उम्मेद्वार अधिकारीले आफू जहाँ गए पनि त्यहाँका जनताले आफूलाई मत हाल्ने कुरामा विश्वास दिलाएको बताए । उनले आफू चितवन ३ का लागि साझा उम्मेद्वार भएको बताउँदै आएका छन् ।
नेकपा एमाले र नेपाली कांग्रेस दुबै पार्टीबाट उम्मेद्वार नभएको उक्त क्षेत्रमा स्वतन्त्र व्यक्तिले भोट पाउने प्रबल संभावना छ । यो एउटा कारण र अर्काे कारणमा आफ्नो जनतामुखी एजेण्डाले गर्दा आफूले चुनाव जित्ने अधिकारीको दाबी छ ।
