भरतपुर, कात्तिक २-
वरिष्ठ चिकित्सक डा। भोजराज अधिकारीले समतामूलक स्वास्थ र शिक्षा सेवाको पहुँच स्थापित गर्ने आफ्नो योजना रहेको बताएका छन् ।
उनले स्वास्थ्य र शिक्षामा समाजवादी मोडल स्थापित गर्न सबै जनतासँग समान पहुँच पुग्ने गरि अघि बढ्ने बताए ।
चितवन क्षेत्र नम्बर ३ प्रतिनिधिसभा सदस्य गठबन्धनका उमेदवार वरिष्ठ चिकित्सक डा.अधिकारीले जनताको समस्या सम्बोधन गर्ने गरि मैदानमा आएको बताएका हुन् ।
स्वास्थ, शिक्षा क्षेत्रको विकास र विस्तारसँगसँगै समग्र योजना अघि बढाउन आफू निर्वाचित हुनुपर्ने उनको जोड छ ।
भरतपुर २५ मा भएको चुनाव केन्द्रीत कार्यक्रमलाई सम्बोधन गर्दै उनले मन र मतलाई एकिकृत गर्ने समय आएको उनले बताए ।
अहिलेसम्म प्राप्त नतिजाले असफल नभएको बताउदै डा।अधिकारीले अबको नतिजाले पनि पहिलो बनाउने विश्वास व्यक्त गरे । व्यवस्था अनुसार अवस्था बदल्न यहाँको माटोलाई सदुपयोग गर्ने उनले बताए ।
आफू नै आफ्नो प्रतिनिधि हो भन्ने रूपमा जनताको घलदैलोमा जानुपर्ने उनको भनाइ छ । असत्यका विरूद्व सत्य स्थापित गर्न उनले अपिल गरेका छन् ।
।
निर्वाचनमा ध्यान केन्द्रित गर्नुपर्नेमा माओवादी नेता गोपाल न्यौपानेले जोड दिए । उनले देशको महत्त्वपूर्ण निति निर्माणका लागि डा. भोजराजलाई जिम्मेवारी दिन निर्वाचित गराउनुपर्ने बताए ।
निर्वाचित गर्ने सुनौलो अवसरलाई सदुपयोग गर्न उनको आग्रह छ । स्थानीय जनतासँग सुमधुर सम्बन्धका साथ जोडिनुपर्ने उनले बताए ।
