चितवन,कात्तिक १-
माडी–२ चिरौलीमा चुनावी प्रचारप्रसार समितिको कार्यालय उद्घाटन कार्यक्रममा बोल्दै विकासको पर्खाइमा माडीले अब कुर्न नहुने बताए ।
“माडी मणी बनेपछि, आकाशे पुल, सुरुङ मार्ग बनाउँछु भनेका थिए, ती बनेपछि आउँला भन्दै पर्खिएँ, तर कुर्दा कुर्दै थाकियो”, उनले भने , “राष्ट्रिय लेभलको नेताले जितेपनि ५ वर्ष खेर गयो, अब माडी पछि पर्नुहुदैन ।” पाण्डे चितवन–३ बाट प्रतिनिधिसभा सदस्यको उम्मेदवार छन् ।
उनले माडी नगरपालिकालाई देशकै विकसित नगरका रुपमा विकास गर्ने भिजन लिएर आएको बताए । “योजना होइन, आयोजना ल्याउनेछु, माडीलाई सुन्दर र विकसित बनाउनेछौँ”, उनले भने , “अर्गानिक खेती विस्तार गर्नेछौँ, विदेशदेखि किसानहरु अवलोकन गर्न आउने क्षेत्रका रुपमा बनाउने कार्यक्रमहरु लागु गर्नेछु ।” उनले जनप्रतिनिधि पार्टी नभई जनताप्रति वफादर बन्नुपर्नेमा जोड दिए । “पहिलेका सांसदलाई जनताले देख्न पाएनन्, औला उठाउन पनि पाएनन्”, उनले भने , “राष्ट्रिय लेभलको मान्छे माडीले पाएपनि विकास पाएन, अब त्यो गल्ती माडीबासीले दोहो¥याउने छैनन् ।”
राजनीतिको खेती गर्नेहरुले जनतालाई पटक पटक दुख दिदै आएकाले यसपालीको चुनावमा लखेट्नुपर्ने धारणा राखे । उनले सदनमा राष्ट्रवादीहरु नपुगे देशकै विक्रि गर्ने जोखिम हुने भएकाले यसपाली राष्ट्रवादीलाई चुनावमा जिताउन लाग्नुपर्ने बताए । उनले २०७० मा आँफु संविधानसभा सदस्य हुँदा पारेको बजेटकै आधारमा बनेका पुलहरुको उद्घाटन गरेर विकास ल्याएँ भनेर प्रचार गर्दै निर्वाचन क्षेत्रनै छाडेर भागेको व्यंग्य गरे ।
उनले मोटरसाइकलमा नभई पैदलबाटै जनताको घरदैलोमा पुग्न आग्रह गरे । “हरेक जनताका समस्याहरु टिपोट गर्नुस्, रेकर्ड राख्नुस्”, उनले भने , “चुनाव जितेपछि जनताका हरेक समस्याहरु समाधान गर्न लागिपर्नेछौँ ।” पाण्डेले रिना गुरुङ बौद्धिक एवम् विकासवादी नेतृ भएकाले उनलाई पनि जिताउन आग्रह गरेका छन् । राप्रपाले माडीका ९ वटै वडामा मंसिर ४ लाई लक्षित गरी चुनावी प्रचारप्रसार कार्यालयहरु स्थापना गरेको छ ।
